සෝමරත්න දිසානායකගේ නවතම සිනමා කෘතිය වන “සිංහබාහු” සිනමා ශාලාවක් තුළ දී පටිගත කර යූ ටියුබ් ඔස්සේ ප්‍රචාරය කළ බව කියන මහනුවර ප්‍රදේශයේ පුද්ගලයකු පොලිස් පරිගණක අපරාධ විමර්ශන කොට්ඨාශය මඟින් අත් අඩංගුවට ගෙන තිබෙනවා.
අදාළ සැකකරු විසින් කටුගස්තොට සීගිරි සිනමා ශාලාවේ දී සිය ජංගම දුරකතනයෙන් සිංහබාහු චිත්‍රපටය සම්පූර්ණයෙන් පටිගත කර ඇති බව විමර්ශනවලදී අනාවරණය වුණා.
පොලිස් පරිගණක අපරාධ කොට්ඨාශය මඟින් සැකකරු පසපසුගියදා මහනුවර මහේස්ත්‍රාත් අධිකරණයට ඉදිරිපත් කිරීමෙන් අනතුරුව මේ මස 24 වැනි දා දක්වා රක්ෂිත බන්ධනාගාරගත කිරීමට නියෝග කර තිබෙනවා.
මෙම අත්අඩංගුවට ගැනීම සිදු කෙරුණේ සිය චිත්‍රපටය පටිගත කර යූ ටියුබ් වෙත මුදා හැර ඇති බවට අධ්‍යක්ෂ සෝමරත්න දිසානායක මහතා කළ පැමිණිල්ලකට අනුවයි.
