රට බේරා ගැනීමට තමාට උදව් කළොත් විපක්ෂ නායක සජිත් ප්‍රේමදාස මහතාට නැවත එක්සත් ජාතික පක්ෂ සාමාජික්ත්වය ලබා දෙන බවත් ඒ නමුත් ඒ සඳහා එක් කොන්දේසියක් පවතින බව ජනාධිපති රනිල් වික්‍රමසිංහ මහතා පවසනවා.
එම කොන්දේසිය වන්නේ සජිත් පාසල්වලට බෙදන බස් ගන්න සල්ලි දුන්නේ කවුරුන්ද යන්න හෙළි කිරීමයි.
ජනාධිපතිවරයා මේ බව සඳහන් කළේ මහනුවර පොදු වෙළඳ සංකීර්ණය ඉදිරිපිට පැවති රැලියක් අමතමිනි.
“දැන් දූෂණයට විරුද්ධව සටන් කරන්න ඕනලු. සජබය සමඟ එකතු වී දුෂණයට විරුද්ධ සටන් කරන්න මම සූදානම්. හැබැයි එක කොන්දේසියක් තියෙනවා. පාසල්වලට දෙන බස්වලට සල්ලි දුන්නෙ කවුද කියලා කියන්න. සජිත් රට බේරගන්න උදව් කළොත් ඔහුගේ තහනම් කර ඇති එජාප සාමාජිකත්ව නැවත දෙන්නම්. අපි ඔක්කොම එක ගමනක් යමු” යනුවෙන් ජනාධිපතිවරයා මෙහි දී සඳහන් කර සිටියා.
