විපක්ෂ නායක සජිත් ප්රේමදාස ඇතුළු පිරිස ජාතිය බේරා ගැනීමට සහය දක්වන්නේ නම් ඔවුන්ගේ එක්සත් ජාතික පක්ෂ සාමාජිකත්වය යළි ලබා දෙන බවට ජනාධිපති රනිල් වික්රමසිංහ මහතා කළ යෝජනාව සමගි ජන බලවේගය ප්රතික්ෂේප කර තිබෙනවා.
මෙම ප්රතික්ෂේප කිරීම සිදු කළේ සජබ මන්ත්රී එස්.එම්. මරික්කාර් සහ එම පක්ෂයේ ප්රචාරක කළමනාකරු සුජීව සේනසිංහ අද (16) පැවති මාධ්ය හමුවක් අතරතුරදීය.
“ජාතිය ආරක්ෂා කිරීමට සහාය දෙනවා නම් අපේ එක්සත් ජාතික පක්ෂයේ සාමාජිකත්වය යළි පිහිටුවන්න ජනාධිපතිතුමා ඉදිරිපත් වෙලා තියෙනවා. කෙසේ වෙතත්, ප්රසන්න රණතුංග, ප්රසන්න රණවීර සහ රෝහිත අබේගුණවර්ධන වැනි ශ්රී ලංකා පොදුජන පෙරමුණේ ඇමැතිවරුන් සමඟ වේදිකාවේ සිටීමට අපට අවශ්ය නැති නිසා මෙම යෝජනාව පිළිගැනීමට අපි සූදානම් නැහැ.” මරික්කාර් මන්ත්රීවරයා මෙහි දී සඳහන් කළා.
“ජනාධිපතිවරයා කලින් ප්රකාශ කළ පරිදි සජබ මන්ත්රීවරුන් පහළොවක හෝ විස්සකගේ සහය ලබා ගැනීමට නොහැකි බව පෙනෙන නිසා ජනාධිපතිවරණයට ඉදිරිපත් විය යුතුද යන්න පිළිබඳව ජනාධිපතිවරයා උභතෝකෝටික ප්රශ්නයක සිටින බව පේනවා. කොහොම වුණත් එතුමා ජනාධිපතිවරණයට ඉදිරිපත් වුණොත් අපිට වාසිදායක නිසා අපි කැමැතියි.”
ඩී.එස්. සේනානායක, ඩඩ්ලි සේනානායක, ලලිත් ඇතුලත්මුදලි, ගාමිණී දිසානායක වැනි දිවංගත එජාප නායකයන්ගේ සංවර්ධන විලාසය නැවත වරක් ක්රියාත්මක කරන බව ද මෙහි දී ප්රකාශ වුණා.
