“නීතිය සියල්ලන්ටම සමාන විය යුතු නම් ලොහාන් රත්වත්තේලා අද නිදහසේ ඉන්නේ කොහොමද? අපි එහෙම ප්රශ්ණ කර නිසා තමයි අද එයා කියන්නෙ එයා ජීවතුන් අතර ඉන්නකල් අපිට දිනන්න දෙන්නෙ නෑ කියලා” ජාතික ජන බලවේගයේ නායක අනුර කුමාර දිසානායක මහතා සඳහන් කළා.
ඔහු මේ බව කියා සිටියේ මහනුවර සෙංකඩගල පැවති ජාතික ජන බලවේගයේ “පුනරුදයේ මහ රැළිය” අමතමිනි.
සියලු දෙනා නීතිය ඉදිරියේ සමාන වෙන්නේ කොහොමද යන්න මේ රටේ පුරවැසියන්ට දකින්න ඉඩ සැලසිය යුතු බව ඔහු මෙහිදී පැවසුවා.
එබැවින් ජාතික ජන බලවේගයේ ජයග්රහණය දැකීමට මහින්දා නන්දලා, ලොහාන් රත්වත්තේලා ද ජීවතුන් අතර සිටිය යුතු බවයි ඔහු සඳහන් කළේ.
“ඒත් මං නම් ආස අපි දිනනකොට එයාලා ජීවතුන් අතර ඉන්නවට. තමන්ගේ අමාත්ය බලය උපයෝගී කරගෙන මහ රෑ සිරගෙවල්වලට පැනලා බන්ධනාගාරෙ ඉන්න සිරකරුවන් එළියට අරගෙන පිස්තෝලෙ පෙන්නලා බය කරන්න පුළුවන් ද එහෙම. කෝ නීතිය. ඒ නිසා මේ රටේ නීතිය ඉදිරියේ හැම කෙනාම සමාන නෑ. මේ රටේ නීතිය හැමදෙනාටම සමාන නම් මහින්දානන්ද මෙහෙම ඉන්න විදියක් නෑ. මේ රටේ නීතිය සැමට සමාන නම් ඩයනා ගමගේ එළියේ ඉන්න විදියක් නෑ. නීතිය ඉදිරියේ හැමෝම සමාන නම් රනිල් වික්රමසිංහ ජනාධිපති ධුරය දරන්න විදියක් නෑ.”
