ක්ලබ් වසන්ත ඝාතනය කළේ මධුෂ්ගේ සල්ලි තමන්ගේ කර ගැනීමට උත්සහ කළ දකුණේ ප්‍රභූ පවුලක සපුමල් කුමාරයකු බව මාධ්‍යවේදී කීර්ති රත්නායක මහතා පවසනවා.
එම සැලසුම ක්‍රියාත්මක කරනු ලැබුවේ පොලිසිය සහ පාතාලය යන දෙකම යොදාගෙන බවයි ඔහු පවසන්නේ.
ඉදිරි මැතිවරණ සඳහා භාවිත කිරීමට මධූෂ් රටවටා විවිධ පුද්ගලයින් සතු ලබා දී ඇති මුදල් තමාට අවශ්‍ය බව මේ කුමාරයා පවසා ඇතැයි ඒ මහතා සඳහන් කළා.
මෙම සැලසුම මීට වසර කිහිපයකට ඉහත සෙලින්කෝ සමූහ ව්‍යාපරායේ ගෝල්ඩන් කී ආයතනයේ වත්කම් අත්පත් කර ගැනීමේ සැලසුමට සමාන බව කීර්ති රත්නායක මහතා පැවසුවා.
“ක්ලබ් වසන්ත” ඝාතනය සිදුවූ අතුරුගිරිය ටැටූ ආයතනයේ දර්ශන නිකුත් වීම, එම දර්ශන සංස්කරණය කිරීම, එහි ප්‍රධාන සැකකරුගේ ප්‍රකාශයක් මාධ්‍ය මඟින් ප්‍රචාරය කිරීම යන සියලු කරුණු මෙම සැලසුම හා සම්බන්ධ බව ද ඔහු අනාවරණය කළා.
ඔහු මෙම තොරතුරු අනාවරණය කළේ යූ ටියුබ් නාළිකාවක් සමඟ සම්මුඛ සාකච්ඡාවකට එක් වෙමින්.
