තායිලන්තයේ බැංකොක් හෝටලයක තිබී විදේශිකයන් 6 දෙනෙකුගේ මළ සිරුරු සොයා ගෙන ඇති අතර එම මරණ සයනයිඩ් විෂ ශරීරගත වීම හේතුවෙන් සිදුව ඇති බවට පොලිසිය සැක පළ කර තිබෙනවා.
පෙරේදා (15) මළ සිරුරු සොයාගත් Grand Hyatt Erawan හෝටලයේ කාමරයේ තිබී එම විෂ ද්‍රව්‍ය ස්වල්ප මාත්‍රාවක් සොයා ගත් බව පොලිසිය සඳහන් කළා.
මුදල් සම්බන්ධයෙන් ඇති වූ ආරවුලක් හේතුවෙන් මාරාන්තික රසායනිකය තේ වලට මිශ්‍ර කරන්නට ඇතැයි සැක පළ කෙරේ.
“අපි තේ කෝප්පවල සයනයිඩ් සොයා ගත්තා, කෝප්ප හයේම සයනයිඩ් තිබුණා” යැයි පොලිසිය පවසා තිබෙනවා.
මියගිය අය වියට්නාම මූලයන් සහිත එක්සත් ජනපද පුරවැසියන් දෙදෙනෙකු සහ වියට්නාම ජාතිකයින් සිව් දෙනෙකු බවට හඳුනාගෙන තිබෙනවා.
මිය ගිය හය දෙනා අතර තිදෙනෙක් පිරිමි පුද්ගලයින් වන අතර තිදෙනෙකු ගැහැණු අය බව සඳහන්.
