බරපතල වැඩ සහිතව වසර හතරක සිර දඬුවමක් නියම වී සිටි බොදුබල සේනා සංවිධානයේ මහලේකම් පූජ්ය ගලගොඩඅත්තේ ඥානසාර හිමිට අභියාචනාධිකරණය අද (18) ඇප ලබාදී තිබෙනවා.
කූරගලදී ඉස්ලාම් දහම සම්බන්ධයෙන් අපහාසාත්මක ප්රකාශයක් සිදුකිරීම හේතුවෙන්
බරපතල වැඩ සහිත සිරදඬුවම් නියම වූ ගලගොඩඅත්තේ ඥානසාර හිමියන් විසින් ගොනුකර තිබූ ප්රතිශෝධන පෙත්සම් විභාගයට ගත් අවස්ථාවේදී මෙම නියෝගය නිකුත් කරනු ලැබුවා.
2024 මාර්තු 28 වැනිදා කොළඹ මහාධිකරණය ඥානසාර හිමියන්ට වසර හතරක බරපතළ වැඩ සහිත සිරදඬුවමක් නියම කළ අතර රුපියල් ලක්ෂයක දඩයක් ද නියම වී තිබුණා.
දණ්ඩ නීති සංග්රහය යටතේ නීතිපතිවරයා විසින් ගොනු කර තිබූ අධිචෝදනා දෙකට හිමිනම වැරදිකරු බවයි විනිසුරුවරයා තීරණය කර තිබුණේ.
