ගුජරාට් ප්රාන්තයේ බරූච් දිස්ත්රික්කයේ හෝටලයක පැවැති රැකියා සම්මුඛ පරීක්ෂණයක් අතරතුර විශාල තදබදයක් ඇති වූ බව එරට මාධ්ය වාර්තා පවසයි.
මෙම තදබදය හේතුවෙන් තල්ලු වී ගිය අයදුම්කරුවන් ආරක්ෂක වැටක් කඩාගෙන බිමට පතිත වන ආකාරය එරට සමාජ මාධ්යයන්වල වෛරල් වුණු වීඩියෝපටවල සටහන් වුණා.
සම්මුඛ පරීක්ෂණය ජුලි 9 වන දින පැවැත්වුණේ ආයතනයක පුරප්පාඩු 40 ක් සඳහා සුදුස්සන් තෝරාගැනීම වෙනුවෙනි.
ඊට 1000 කට අධික පිරිසක් සහභාගී වීම නිසා මෙම තදබදය නිර්මාණය වූ බව වාර්තාවල දැක්වෙනවා.
පෞද්ගලික රසායන සමාගමක් වන Thermax Limited නම් සමාගමක් විසින් පුරප්පාඩු 40 ක් සඳහා හෝටල්ලෝඩ්ස් ප්ලාසා හි පෙරවරු 9 ත් සවස 4.30 ත් අතර පැවැත්වෙන සම්මුඛ පරීක්ෂණය සඳහා සහභාගී වන්නැයි අපේක්ෂකයින්ට දැනුම් දී තිබුණා.
එම දැනුම් දීමට අනුව එම ස්ථානය අතුරු සිදුරු නොමැතිව පිරී ගොස් තිබුණු අතර ආරක්ෂිත වැට කඩා වැටීමෙන් කිසිවකුටත් බරපතල තුවාල නොවූ බවයි සඳහන් වන්නේ.
