ඉතාලි අගමැතිනි ජෝර්ජියා මෙලෝනිට (Giorgia Meloni) සමාජ මාධ්‍ය සටහනකින් විහිළු කරනු ලැබූ මාධ්‍යවේදිනියකට ඩොලර් 5,465 ක වන්දියක් ගෙවන ලෙස මිලාන් අධිකරණයක් නියෝග කර තිබෙනවා.
මෙම දඩය නියම කර ඇත්තේ Giulia Cortese නම් මාධ්‍යවේදිනියටයි.
2021 ඔක්තෝබර් මාසයේදී Twitter හි සිදු කළ මෙම විහිළුවට තවත් යුරෝ 1,200 ක අත්හිටවූ දඩයක් ද නියම කර ඇති අතර ශරීර අවයවයන්ට අපහාස කිරීමේ “body shaming” චෝදනාව යටතේ එම දඩය නියම කළ බව සඳහන්.
එසේ සමාජ මාධ්‍ය ඔස්සේ තමාට අපහාස කිරීම සම්බන්ධයෙන් අගමැතිනිය මාධ්‍යවේදිනියට එරෙහිව නඩු මඟට යාමට කටයුතු කර තිබුණා.
ඉතාලි අගමැතිනියගේ උස ලෙස වාර්තා වන්නේ අඩි පහක් වන අතර අදාළ මාධ්‍යවේදිනිය ඇයගේ උස සමච්චලයට ලක් කරමින් මිටි තැනැත්තියක් ලෙස ප්‍රකාශ කිරීම මෙම ගැටුමට මුල් වුණා.
