ෂෙයික් හසීනා සහ රජයට එරෙහිව විරෝධතා දක්වන්නන් විසින් බංගලාදේශයේ රාජ්‍ය රූපවාහිනියට ගිනි තබා ඇති බව මාධ්‍ය වාර්තා ප්‍රකාශ කළා.
කලහකාරී ලෙස හැසිරුණු විරෝධතාකරුවන් රූපවාහිනී පරිශ්‍රයට ඇතුළු වුණේ ආරක්ෂක අංශවලට සහ එහි සේවක සේවිකාවන්ට ද පහර දෙමිනි.
ජාතික රූපවාහිනිය අයත් එක් ගොඩනැගිල්ලක් ගිනි ගත් අවස්ථාවේ බොහෝ දෙනෙක් ඒ තුළ කොටු වූ බවයි සඳහන් වන්නේ.
ගිනි නිවන හමුදා භටයන්ට ගින්න නිවා දැමීමටත්, එම පිරිස් මුදා ගැනීමටත් මහත් පරිශ්‍රමයක් දැරීමට සිදුව තිබුණා.
විරෝධතාකරුවන් රාජ්‍ය විකාශන BTV නාළිකාවට මෙන්ම ජාතික ආපදා කළමනාකරණ ඒජන්සිය, පොලිස් ස්ථාන සහ අනෙකුත් රජයේ ගොඩනැගිලි ගණනාවකට ද ගිනි තබා විනාශ කර ඇති බවයි වාර්තා පවසන්නේ.
එරට රාජ්‍ය සේවය සඳහා බඳවා ගැනීමේ පටිපාටියේ සිදු කර ඇති ප්‍රතිසංස්කරණ ගණනාවකට එරෙහිව මෙම විරෝධතා ආරම්භ වුණා.
