ඉන්දීය ක්රිකට් කණ්ඩායමේ තුන් ඉරියව් ක්රීඩක හර්දික් පාණ්ඩ්යා සහ නර්තන ශිල්පිනියක් සහ නිරූපිකාවක් වන ඔහුගේ බිරිඳ නටාසා ස්ටැන්කොවික් ඊයේ (19) නිල වශයෙන් ඔවුන්ගේ දික්කසාදය ප්රකාශයට පත් කළා.
මාස කිහිපයක් පුරා ඔවුන්ගේ දික්කසාදය පිළිබඳ කටකතා පැතිර ගිය අතර මෙතෙක් දෙදෙනාගෙන් එක් අයෙකු වත් එය නිල වශයෙන් පිළිගෙන තිබුණේ නැහැ.
නතාෂා පළමු වරට දිගු සටහනක් තබමින් ඉන්ස්ටග්රෑම් ඔස්සේ නිහඬතාවය බිඳ ඇත්තේ මින් අනතුරුවයි.
මෙම තීරණය ගැනීම ඉතා අපහසු එකක් වූ බවත් ඔවුන්ගේ එකම පුතුවන අගස්ත්යා ඉදිරියටත් දෙදෙනාගේම ජීවිතවල කේන්ද්රස්ථානය බවට පත්වෙනු ඇතැයි සඳහන් වූ එම නිවේදනය බොහෝ දෙනෙකුගේ කම්පාවට හේතු වුණා.
ඔවුන් අවසානයේ “දුෂ්කර සහ සංවේදී කාලය” තුළ සිය පෞද්ගලිකත්වය ආරක්ෂා කර දෙන ලෙස සියලු දෙනාගෙන් ඉල්ලා තිබෙනවා.
මෙම යුවළ ප්රථම වරට 2018 දී රාත්රී සමාජ ශාලාවකදී මුණගැසුණු අතර 2020 ජනවාරි 1 වන දින ඔවුන්ගේ විවාහ ගිවිස ගැනීම සිදු කළා.
