ජපානයේ ව්‍යවසායකයින්ට සියයට එකක් වැනි අඩු පොලී අනුපාතිකයන්‍ට ණය ලබාගැනීමේ හැකියාව පවතින බැවින් ලංකාවට පැමිණ ආයෝජනය කරන ලෙස ජාතික ජන බලවේගයේ නායක අනුර කුමාර දිසානායක මහතා ජපානයේ වෙසෙන ශ්‍රී ලාංකිකයන්ගෙන් ඉල්ලා සිටියා.
ඒ සඳහා වතුර වීදුරුවක් හෝ අපේක්ෂා නොකරන බව ඔහු සඳහන් කළා.
ජාතික ජන බලවේගයේ රජයක් තුළ නව ආයෝජන සඳහා වන පසුබිම ගොඩනඟන බව අනුර කුමාර දිසානායක මහතා අවධාරණය කළේ ජපානයේ වෙසෙන ශ්‍රී ලාංකිකයන් අමතා කළ දේශනය අතරතුරදීය.
වියට්නාමයට පසුගිය වසරේ සෘජු විදෙස් ආයෝජන ඩොලර් බිලියන 34යි. ලංකාවට 1978 ඉඳන් 2024 වෙනකල් අවුරුදු 44ටම ඇවිත් තියෙන්නෙ ඩොලර් බිලියන 22යි.
කිසිම පිරිසිදු ආයෝජකයකු ලංකාවට එන්නෙ නෑ. ඇයි? අකාර්යක්ෂම පාලනයක්. විශාල වශයෙන් ආර්ථික උච්චාවචනය රාජ්‍යකට මොන ආයෝජකයා ද එන්නෙ. නීතිමය රැකවරණයක් නැති රටකට කවුද එන්නෙ? එන ආයෝජකයා එන්න ඕන සම්බන්ධිකරණ ලේකම්ට පගාව දීගෙන. කුණු ඇමතින්ට සල්ලි දීගෙන. මොන ආයෝජකයා ද එන්නෙ.
