2015 වසරේ සිදුවූ පැහැරගැනීමේ සිද්ධියක් සම්බන්ධයෙන් වසර තුනක බරපතල සිරදඬුවමක් නියම වූ හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර මහත්මියට ඇප ලබා දෙන ලෙස කොළඹ මහාධිකරණය අද(22) ඇප නියම කළා.
මෙම තීන්දුව ලබා දුන්නේ කොළඹ මහාධිකරණ විනිසුරු අමල් රණරාජා මහතා විසින්.
රු 50,000 ක මුදල් ඇපයක් සමඟ රු 500,000 බැගින් වන ශරීර ඇප දෙකක් සමඟ ඇය මුදා හැරීමට නියෝග කෙරුණු අතර විදෙස් ගමන් තහනමක්ද නියම කෙරුණා.
කොළඹ මහාධිකරණය ලබා දුන් වසර තුනක සිර දඬුවම අභියෝගයට ලක් කරමින් හිරුණිකා ප්‍රේමචන්ද්‍ර අභියාචනාධිකරණය හමුවේ ගොනුකළ අභියාචනය සලකා බලමින් මෙම තීන්දුව ලබා දී තිබෙනවා.
2015වසරේ දී දෙමටගොඩ ප්‍රදේශයේ දී වින්දිත අමිල ප්‍රියංකර පැහැරගෙන යාමට කුමන්ත්‍රණය කිරීම සහ ආධාර කිරීම, තර්ජනය කිරීම, පහරදීම සහ බිය ගැන්වීම ඇතුළු චෝදනා 18කට ඇය වැරදිකාරිය බවට මහාධිකරණය තීන්දු කර තිබුණා.
