තමා නිදහස් කර ගැනීමට සමගි ජන බලවේගය පාර්ශවයෙන් ප්‍රමාණවත් මැදිහත් වීමක් නොවීම හේතුවෙන් හිරුණිකා බරපතල කණස්සල්ලක පසුවන බව ඇයට සමීප ආරංචි මාර්ග කිහිපයක් පවසනවා.
ඇයට ඇප ලබා ගැනීමට හෝ ඇයව නිදහස් කර ගැනීම සඳහා අභියාචනයක් ඉදිරිපත් කරමින් සජිත් ප්‍රේමදාස මහතා හෝ සමගි ජන බලවේගයේ පාර්ශවයෙන් මැදිහත් වීමක් සිදුව නැති බවයි ඇගේ අදහස වන්නේ.
ඒ අනුව හිරුණිකා ඉදිරි දිනවල දී විශේෂ දේශපාලන තීන්දුවක් ගැනීමට ඉඩ ඇති අතර ඒ සඳහා වැඩි ඉඩකඩක් පවතී.
වසර තුනක බරපතල සිරදඬුවමක් නියම වූ හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර මහත්මියට ඇප ලබා දෙන ලෙස කොළඹ මහාධිකරණය ඊයේ(22) නියම කර තිබුණා.
කොළඹ මහාධිකරණය ලබා දුන් වසර තුනක සිර දඬුවම අභියෝගයට ලක් කරමින් හිරුණිකා ප්‍රේමචන්ද්‍ර අභියාචනාධිකරණය හමුවේ ගොනුකළ අභියාචනය සලකා බලමින් මෙම තීන්දුව ලබා දී දුන්නා.
2015වසරේ දී දෙමටගොඩ ප්‍රදේශයේ දී වින්දිත අමිල ප්‍රියංකර පැහැරගෙන යාමට කුමන්ත්‍රණය කිරීම සහ ආධාර කිරීම, තර්ජනය කිරීම, පහරදීම සහ බිය ගැන්වීම ඇතුළු චෝදනා 18කට ඇය වැරදිකාරිය වුණා.
