ශ්රී ලංකා ක්රිකට් කණ්ඩායමේ ක්රීඩකයන්ට ඉදිරි ජ්යාත්යන්තරය නියෝජනය කරන තරගවලදී ඔවුන් හැසිරිය යුතු ආකාරය ඇතුළු කොන්දේසි මාලාවක් ශ්රී ලංකා කණ්ඩායමේ තාවකාලික ප්රධාන පුහුණුකරු සනත් ජයසූරිය මහතා විසින් කණ්ඩායම වෙත ලබා දී තිබෙනවා.
ඒ අනුව ජාතික කණ්ඩායම නියෝජනය කරමින් අන්තර්ජාතික තරගවලට ඉදිරිපත් වන්නේ නම් පච්චා කෙටීම, මාල, කරාබු දැමීම තහනම් වන අතර කොණ්ඩය නිසිපරිදි කපා පිළිවෙලට පැමිණිය යුතුය.
තමන් පුහුණුකරු ලෙස සිටින්නේ තාවකාලික පදනමකින් වුවත් ජාතික ක්රීඩකයින් දෙස බලාගෙන ඔවුන්ව ආදර්ශයට ගනිමින් සිටින පාසල් ක්රීඩක ක්රීඩකයන් ද සිටින බැවින් විනයක් සහිතව අඳින්න පළඳින්න ශ්රී ලංකා කණ්ඩායම පුරුදු පුහුණු විය යුතු බව සනත් ජයසූරිය මහතා සඳහන් කළා.
“අපි ලොකු ලොකු දේවල් කරන්න හදනනේ නෑ. ඒත් පොඩි පොඩි දේවල් වුණත් පිළිවෙලක් ඇතුව කරන්න ඕන. දැනට අපි කියලා තියෙන්නේ අන්තර්ජාතික තරගවලට එනකොට ඔය කොණ්ඩ මොස්තර, කරාබු පච්ච වගේ දේවල් ගෙදර තියලා එන්න කියලයි”
