පොලිස්පති දේශබන්දු තෙන්නකෝන් මහතාගේ රාජකාරී අත්හිටුවමින් ශ්රේෂ්ඨාධිකරණ තීරණය රජය පිළිනොගන්නා බවත් එය වලංගු නැති බවත් බලරහිත කිරීමට කටයුතු කළ යුතු බවත් අගමැති දිනේෂ් ගුණවර්ධන මහතා අද (26) පාර්ලිමේන්තුව හමුවේ විශේෂ ප්රකාශයක් කරමින් ප්රකාශ කළා.
වැඩබලන පොලිස්පතිවරයෙකු පත් කිරීමට ජනාධිපතිවරයාට මේ මොහොතේ නීතිමය ප්රතිපාදන නොමැති බව ද ඔහු එහි දී කියා සිටියා.
එහිදී අගමැතිවරයා වැඩිදුරටත් සඳහන් කළේ දැනට පවතින පොලිස්පති ධූරය හිස් නොවන බවයි.
“පොලිස්පති සම්බන්ධව වැඩ අත්හිටුවා ඇති ශ්රේෂ්ඨාධිකරණයේ නියෝගය බලරහිත කළයුතු යැයි කථානායකවරයා සහ පාර්ලිමේන්තුව වෙත සිහිපත් කරනවා. කථානායකවරයා මේ සම්බන්ධව හැකි ඉක්මණින් මැදිහත් වන ලෙස අපි දන්වා සිටිනවා.” යනුවෙන් ද අගමැතිවරයා වැඩිදුරටත් කියා සිටියා.
