පොහොට්ටුවේ මනාළයා ලබන සඳුදා එළියට

2024 ජනාධිපතිවරණය සඳහා පොහොට්ටුවේ අපේක්ෂකයා පිළිබඳ අවසන් තීරණය ලබන සඳුදා (29) දිනයේ ලබා දෙන බව එම පක්ෂයේ අභ්‍යන්තර ආරංචි මාර්ග සඳහන් කරයි.

මැතිවරණ කොමිෂන් සභාව අද (26) 2024 ජනාධිපතිවරණයට අදාළ ගැසට් නිවේදනය ප්‍රකාශයට පත් කළ අතර ඒ අනුව ඡන්දය පැවැත්වෙන්නේ සැප්තැම්බර් 21 වැනි සෙනසුරාදා දිනයේය.

පොදු ජන පෙරමුණ සිය අපේක්ෂකයා සම්බන්ධයෙන් දිගින් දිගටම මුණිවත ප්‍රකාශ කළ අතර ඡන්දය පැවැත්වෙන දිනය ප්‍රකාශයට පත් කළ සැනින් සිය අපේක්ෂකයා හෙළි කරන බවයි කලින් සඳහන් කළේ.