පොදු ජන පෙරමුණේ බහුතර මන්ත්රී කණ්ඩායමක් අද (30) පස්වරුවේ ජනාධිපතිවරයා හමුවී සහය පළ කිරීමට සූදානමින් සිටින බව එම පක්ෂයේ පාර්ලිමේන්තු මන්ත්රී ප්රමිත බණ්ඩාර තෙන්නකෝන් මහතා පවසනවා.
ඔහු මේ බව පැවසුවේ මාධ්ය හමුවක් කැඳවමිනි.
ඒ අනුව ශ්රී ලංකා පොදු ජන පෙරමුණ ඊයේ (29) රැස්වී ගත් තීන්දුවට එම පක්ෂයේ බහුතර මන්ත්රීන් සංඛ්යාවක් එකඟ නොවන බව ඔහු සඳහන් කළා.
එමෙන්ම ඊයේ රැස් වුණු දේශපාලන මණ්ඩලය පිළිබඳ බරපතල ගැටලු පවතින බවත් එයට සහභාගී වී සිටි බොහෝ දෙනෙක් හඳුනන්නේ නැති බවයි ඔහු පවසා සිටියේ.
රනිල් වික්රමසිංහ ජනාධිපතිවරයාට සහය නොදැක්වීමට පක්ෂය ගත් එම තීන්දුව දෙවැනි වන්නේ අරගලයට පහර දීමට ගත් තීන්දුවට පමණක් බව ද ප්රමිත බණ්ඩාර තෙන්නකෝන් අවධාරණය කළා.
