ශ්රී ලංකා පොදුජන පෙරමුණ නියෝජනය කරන පාර්ලිමේන්තු මන්ත්රීවරුන්ගෙන් අති බහුතරය සිටින්නේ ජනාධිපති රනිල් වික්රමසිංහ මහතා සමඟ බව ජාතික නිදහස් පෙරමුණේ නායක විමල් වීරවංශ මහතා පවසනවා.
ඒ අනුව ඊයේ උදෑසන වන විට අසූවකට වැඩි පිරිසක් රනිල් සමඟ සිටින බවට තමා වෙත අභ්යන්තර ආරංචි මාර්ග ඔස්සේ තොරතුරු ලැබුණු බව ඔහු සඳහන් කළා.
ඔහු මේ බව සඳහන් කළේ යූ ටියුබ් නාළිකාවක් සමඟ සම්මුඛ සාකච්ඡාවකට එක් වෙමිනි.
රනිල් වික්රමසිංහ ජනාධිපතිවරයා පසු ගිය කාල සීමාවේ හැට නව ලක්ෂයක ඡන්ද ලබා ගත් පක්ෂයේ මන්ත්රීවරුන් තමා ලඟට ගෙන දේශපාලන වශයෙන් ලිංග විපර්යාසයකට ලක් කළ බවයි ඔහු පවසන්නේ.
පසු ගිය දා පැවති පක්ෂයේ දේශපාලන මණ්ඩල රැස්වීමේ දී චමල් රාජපක්ෂ නිහඬ ප්රතිපත්තියක් දැරීම තුළ ද පෙන්නුම් කරන්නේ එම තත්ත්වය බව ඔහු පෙන්වා දෙනවා.
“එයාටත් හෝමෝන් එක විදලා ඇති. එයා ඇක්ටිව් නැතිව ඇති. හෝමෝන් එකක් වැඩ කරන්නත් කාලයක් යනවනේ.”
ඒ අනුව රනිල් වික්රමසිංහගේ වේදිකාවට ඉදිරියේ දී රාජපක්ෂවරයෙක් ගොඩ වුවහහොත් ඊට පුදුම විය යුතු නැති බව ද ඔහු සඳහන් කළා.
