ලෙබනනයේ බේරූට් නගරයට ආසන්නයේ එල්ල වූ ඊශ්‍රායල ගුවන් ප්‍රහාරයකින් හි ජ්‍යෙෂ්ඨ අණදෙන නිලධාරි ෆුවාඩ් ෂුකර් (Fuad Shukr) මිය ගිය බව හිස්බුල්ලා සංවිධානය නිවේදනය කර තිබෙනවා.
හිස්බුල්ලා බලකොටුවක් වන බේරූට් හි දකුණු තදාසන්න ප්‍රදේශයේ ගොඩනැගිල්ලක සුන්බුන් අතර ඔහුගේ සිරුර සොයා ගත් බව ලෙබනන් ආරක්ෂක මූලාශ්‍ර උපුටා දක්වමින් රොයිටර් වාර්තා කළා.
ඔහු නිදා සිටි ගොඩනැගිල්ලේ කාන්තාවන් දෙදෙනෙක් සහ දරුවන් දෙදෙනෙක්ද එම ප්‍රහාරයෙන් මරුමුවට පත්ව ඇති බව ජාත්‍යන්තර මාධ්‍ය පවසනවා.
ඊශ්‍රායල හමුදාව, (අඟහරුවාදා 30) ඝාතනය ප්‍රකාශයට පත් කරමින්, හිස්බුල්ලාහි ජ්‍යෙෂ්ඨතම අණදෙන නිලධාරියා ලෙස ෂුකර් ලේබල් කළ අතර, ඊශ්‍රායලයේ ආක්‍රමණය කරන ලද ගෝලාන් කඳුකරයේ තරුණයන් දොළොස් දෙනෙකුගේ මරණයට හේතු වූ ජූලි 27 ප්‍රහාරය මෙහෙයවූ බවට ඔහුට චෝදනා කළා.
කෙසේ වෙතත් හිස්බුල්ලා සංවිධානය මෙම සිද්ධියට කිසිදු සම්බන්ධයක් නොමැති බව පවසමින් ප්‍රතික්ෂේප කර තිබෙනවා.
හිස්බුල්ලා සංවිධානය ප්‍රකාශ කළේ එහි මහලේකම් හසන් නස්රල්ලා ෂුකර්ගේ අවමංගල්‍ය උත්සවයේදී ජාතිය අමතනු ඇති බවයි.
ෂුකර් නස්රල්ලාගේ උපදේශකයෙකු ලෙස ද ප්‍රකටයි.
ඊශ්‍රායල ආරක්ෂක අමාත්‍ය Yoav Galant ප්‍රහාරය සාධාරණීකරණය කරමින්, ඊශ්‍රායල මරණ ගණනාවකට ෂුකර් වගකිව යුතු බව සඳහන් කර තිබෙනවා.
“බොහෝ ඊශ්‍රායල ජාතිකයන්ගේ ලේ ඔහුගේ අතේ ගෑවිලා තිබුණා. අද රාත්‍රියේ, අපගේ ජනතාවගේ රුධිරයට මිලක් ඇති බවත්, අපගේ හමුදාවන්ට මේ සඳහා ළඟා විය නොහැකි ස්ථානයක් නොමැති බවත් අපි පෙන්වා දුන්නා” යැයි ආරක්ෂක ඇමති සඳහන් කළා.
