ජාතික ජන බලවේගයේ නායක අනුර කුමාර දිසානායක මහතාගේ ආරක්ෂාව තර කිරීමට පක්ෂය අභ්‍යන්තරයේ මේ වන විට සියලු කටයුතු සිදු කරමින් පවතී.
ජාතික ජන බලවේගයේ විශ්‍රාමික පොලිස් සාමුහිකය සහ විශ්‍රාමික යුධ හමුදා සාමුහිකය එක් වී නායක අනුරගේ ආරක්ෂාව වෙනුවෙන් උපාය හා උපක්‍රම සැලසුම් කරමින් සිටින බව තතු දත් ආරංචි මාර්ග පවසනවා.
ඒ අනුව ආරක්ෂක බල ඇණි හතරක් ඔහුගේ ආරක්ෂාව සඳහා යොදවා ඇති බව සඳහන්.
එමෙන්ම ජනතා විමුක්ති පෙරමුණට ආවේණික ආරක්ෂක වැඩපිළිවෙළක් ද නායක අනුරගේ ආරක්ෂාව වෙනුවෙන් යොදවා ඇති බව පක්ෂ ආරංචි මාර්ග පවසනවා.
ඒ වෙනුවෙන් ජනතා විමුක්ති පෙරමුණ වෙනම ආරක්ෂක බලගනයක් යොදවා ඇති බවයි වාර්තා වන්නේ.
ජනතා විමුක්ති පෙරමුණ සතු වෙනම බුද්ධි ඒකකයක් මඟින් ද ජාතික ජන බලවේගයේ නායකයාගේ ආරක්ෂාව තහවුරු කරමින් සිටින බව වැඩිදුරටත් වාර්තා වී තිබෙනවා.
අනුරගේ ආරක්ෂාව තර කරන ලෙසට විවිධ පාර්ශවයන්ගෙන් ලැබුණු ඉල්ලීම් සහ මේ වන විට රට් තුළ පවතින වාතාවරණය සැලකිල්ලට ගනිමින් මෙම ආරක්ෂක වැඩපිළිවෙළ යොදවා ඇති බව සඳහන් වෙනවා.
