දයාසිරි ජයසේකර මහතාගේ නායකත්වයෙන් යුත් ශ්රී ලංකා නිදහස් පක්ෂය සහ එක්සත් ජනතා නිදහස් සන්ධානයේ කණ්ඩායම ඉදිරි ජනාධිපතිවරණයේදී විපක්ෂ නායක සජිත් ප්රේමදාස මහතාට සහය දැක්වීමට තීරණය කර තිබෙනවා.
පාර්ලිමේන්තු මන්ත්රී දයාසිරි ජයසේකර මහතා කියා සිටියේ පක්ෂයේ ආසන සංවිධායකයින් අද (03) කොළඹට රැස්කර සාකච්ඡා කිරීමෙන් පසු මෙම තීරණය ගත් බවයි.
මීට දින කිහිපයකට පෙර ශ්රී ලංකා නිදහස් පක්ෂයේ ආණ්ඩු පක්ෂය නියෝජනය කරන අමාත්ය නිමල් සිරිපාලද සිල්වා මහතා ඇතුළු කණ්ඩායමේ සහාය පළ කළේ ජනපති රනිල් වික්රමසිංහ මහතා වෙතයි.
ඒ අතර හිටපු ජනාධිපති මෛත්රීපාල සිරිසේන මහතා නායකත්වය දුන් ශ්රී ලංකා නිදහස් පක්ෂ කණ්ඩායම හිටපු අමාත්ය විජයදාස රාජපක්ෂ මහතාට ජනාධිපතිවරණයේදී සහාය දීමට තීරණය කර ඇති බවයි සඳහන් කළේ.
