ජයප්‍රකාශ් ශිවගුරුනාදන් අධ්‍යක්ෂණය කරන ‘සල්ලි පොකුරු’ වගේම ප්‍රදීප් රසාංග පෙරේරා අධ්‍යක්ෂණය කරන ‘හිත ළඟ හිනැහුණා’ නාට්‍යවලින් ප්‍රධාන නිළිය වුණු ෂෙනායා වැනෝෆ් (Shenaya Vanhoff) හදිසියේ ඉවත් වුණා. ඉහළම රසික ආකර්ශයනයක් දිනාගත්ත නිළියක් විදියට ෂෙනායා එයාගෙ පීක් එකේ දී මේ කතා ද්විත්වයෙන් අයින් වුණ හේතුව කාටවත් හිතාගන්න බැරි දෙයක් වෙලා.
මේ නාට්‍යවලට වශී වෙලා බලපු අය කතාවටත් වඩා වශීවෙලා ඉඳල තියෙන්නෙ ෂෙනායට කියල තේරෙන්නෙ ඇගේ ඉවත් වීමත් එක්ක. හැමෝම කියන්නෙ පිංකිගේ වගේම කිරුළිගේ චරිතවලට ෂෙනායා තරම් ගැළපෙන වෙන කෙනෙක් නෑ කියලා.
සල්ලි පොකුරු පිංකිගේ චරිතයට ජනප්‍රියම දක්ෂම නිළියක් වුණු දුශේනි මියුරංගි ආවත් ෂෙනායා තරම් පිංකි ගෙ චරිතයට දුශේනි ගැලපෙන්නෙ නෑ කියලයි ප්‍රේක්ෂකයින් කියන්නේ. ඒවගේම කිරුළිගේ චරිතයට නවක නිළියක් වුණු දුනීශා පියුමි ගේන්න කටයුතු කරත් ප්‍රේක්ෂකයින්ගෙන් ඇයටත් එතරම් හොඳ ප්‍රතිචාරයක් නොලැබෙන බවයි පේන්න තියෙන්නෙ.
ෂෙනායා එච්චරට මේ චරිත දෙකට සාධාරණයක් කළා කියන එක හැමෝම වගේ කියනවා. මේ දේ එක්ක ෂෙනායට මොකද වුණේ ඇයි හදිසියේම ඉවත් වුණේ කියල හොයන්න අපිටත් හිතුණා. ආරංචි විදියට ෂෙනායගෙ හදිසි සමුගැනීමට හේතුව ඇගේ පෙම්වතාගෙ ඉල්ලීමක්.
ඇගේ පෙම්වතා විදේශයක ජීවත් වෙන බවත් ඇයව බලන්න පහුගිය කාලෙ ලංකාවට ආව බවත් දැනගන්න ලැබුණා. කොහොම හරි ෂෙනායා ඇගේ පෙම්වතා එක්ක විදේශ ගත වෙන්න බලාපොරොත්තුවෙන් රංගනයෙන් ඉවත් වුණු බවයි දැනගන්න තියෙන්නෙ.
