යෝජිත සජිත් අනුර විවාදය සඳහා මේ වන විට ජාතික ජන බලවේගයෙන් ලිඛිතව දන්වා ඇති දිනවල දී සමගි ජන බලවේගයේ නායක සජිත් ප්රේමදාස මහතාට කිසිසේත් එම විවාදය සඳහා සහභාගී වීමේ හැකියාවක් නැති බව එම පක්ෂයේ විවාද සංවිධායකවරයා ලෙස කටයුතු කරන නලින් බණ්ඩාර මහතා පවසා තිබෙනවා.
ඒ අනුව ජාතික ජන බලවේගය ඒක පාර්ශවිකව නියම කර ඇති දිනයන් හි දී සජිත් ප්රේමදාස මහතාට එම විවාදය සඳහා සහභාගි විය නොහැකි බවත් පාර්ලිමේන්තුව පැවැත්වෙන ඉදිරි 25 සහ 26 යන දිනයන් දෙකෙන් එකක දී මුහුණට මුහුණ හමුවී දිනයක් වෙන් කර ගැනීමට සමගි ජන බලවේගය කටයුතු කරනු ඇති බවයි ඔහු පවසන්නේ.
ජාතික ජන බලවේගය දින ලබා දී ඇත්තේ නායකයින් දෙදෙනා අතර විවාදයට පමණක් වන අතර යෝජිත ආර්ථික කමිටු අතර විවාදයට දිනයක් ලබා දී නොමැති බව ද ඔහු සඳහන් කරනවා.
“අපට නායකයෝ දෙන්නගෙ විවාදය වගේම අපේ ආර්ථික කමිටු අතර විවාදයත් ඕන. මොකද අද මේ රටේ ප්රධාන ප්රශ්ණෙ ආර්ථිකේ. අපේ අරමුණ මැයි මාසෙ මේ විවාද දෙකම අවසන් කරන එක. ඉස්සෙල්ල කරන්නෙ කෝකද කියල කතා කරල විසඳගන්න පුළුවන්. අපි ඒ දෙකටම ඔට්ටුයි” ලෙස ද ඔහු මාධ්ය වෙත අදහස් දක්වමින් පැවසුවා.
