රාජ්‍ය සහ පෞද්ගලික CCTV කැමරා පද්ධති පොලිස් CCTV කැමරා පද්ධතිය සමඟ ඒකාබද්ධ කරමින් අපරාධ හඳුනාගැනීම වැඩි දියුණු කිරීමට පොලිස් දෙපාර්තමේන්තුව තීරණය කර ඇති බව වාර්තා වෙනවා.
ඒ අනුව මූලික අදියරේදී කොළඹ නගරයේ නිවාස ඇතුළු පෞද්ගලික ආයතනවල CCTV කැමරා 2000ක් පමණ පොලිසියේ කැමරා ජාලයට සම්බන්ධ කිරීමට නියමිතය.
මේ සඳහා උනන්දුවක් දක්වන සහයෝගය ලබා දෙන තැනැත්තන් සමඟ මෙම මුලපිරීම සිදු කරනු ලබන බවයි ආරංචි මාර්ග සඳහන් කරන්නේ. CCTV පද්ධති සහිත පුද්ගලයන් සහ පෞද්ගලික ආයතනවල කැමරා කොළඹ පොලිස් CCTV පද්ධතියට සම්බන්ධ කිරීමට උනන්දු කරන බව ද වැඩිදුරටත් සඳහන්.
දෙවන අදියර ලෙස පොලිස් කැමරා පද්ධතිය රට පුරා කැමරා සමඟ ඒකාබද්ධ කිරීමට ද පියවර ගන්නා බව වාර්තා වෙනවා.
කොළඹ නිවාසවල සහ පෞද්ගලික ආයතනවල කැපී පෙනෙන කැමරා පවතින අතර, අපරාධ වැළැක්වීම සඳහා ඒවායේ වර්තමාන බලපෑම සලකනු ලබන්නේ අවම වශයෙනි.
පොලිස් දෙපාර්තමේන්තුව සතුව ඇත්තේ CCTV කැමරා 176ක් පමණක් බව පැවසෙයි.
ඒ අනුව එම වැඩසටහන කඩිනමින් ක්‍රියාත්මක කරන ලෙස උපදෙස් ලබාදී ඇති බවයි පැවසෙන්නේ.
