තමාට විපක්ෂය එල්ල කළ චෝදනා පදනම් විරහිත බව කතානායක මහින්ද යාපා අබේවර්ධන විසින් විශේෂ ප්රකාශයක් කරමින් පැවසුවත් ඔහුගේ පවුලේ අය දරන ආණ්ඩුවේ තනතුරු පිළිබඳ චෝදනාව ඇතුළු චෝදනා කිහිපයකට පිළිතුරු නොදුන් බව කියා මන්ත්රීවරු කිහිපදෙනෙක් ජාත්යන්තර සංවිධාන වලට පැමිණිලි කිරීමට සූදානම් බව හෙළිදරව් වේ.
ඒ අනුව මහින්ද යාපා අබේවර්ධන කතානායකවරයාට එරෙහිව ගෙනා විශ්වාසභංග යෝජනාවේ විවාදයේ සියලුම කතා ඇතුළත් හැන්ඩ්සාර්ඩ් ජාත්යන්තරයට යොමු කෙරෙනු ඇත.
එම හැන්ඩ්සාර්ඩ් අන්තර් පාර්ලිමේන්තු සංගමයට ඒ අනුව යොමු කෙරෙන බව වාර්තා වේ.
ජාතික ජනබලවේගයේ කොළඹ දිස්ත්රික් මන්ත්රී අනුර කුමාර දිසානායක කතානායක මහින්ද යාපා අබේවර්ධනට චෝදනා කළේ “වසන්ත යාපා අබේවර්ධන, පුද්ගලික කාර්යමණ්ඩලයේ පුද්ගලික ලේකම්වරයා. ඔහුගේ සම්බන්ධීකරණ ලේකම්, සමන්ත යාපා අබේවර්ධන.
ඔහුගේ මාධ්ය ලේකම්, ඉඳුනිල් යාපා අබේවර්ධන. ඔහුගේ තවත් නිලධාරියෙක්, චාමර සී. යාපා අබේවර්ධන.
ඔහුගේ පවුල ගෙනාවා මේ පාර්ලිමේන්තුව ඇතුළට. ඔහුගේ එක පුතෙක් ලොතරැයි මණ්ඩලයේ සභාපති බවට පත්වෙනවා. ඒ කියන්නේ මුදල් අමාත්යවරයා විසින් පත්කරන ලද නිලධාරියෙක්. ඔහු සම්බන්ධීකරණ කමිටුවක සභාපතිවරයා බවට පත්වෙනවා. සම්බන්ධීකරණ කමිටුව විධායකයේ කොටසක් යනුවෙනි.
