ජාතික ජන බලවේගයේ රජයක් තුළ ජනතාවට නොලැබෙන කිසිදු වරප්රසාදයක් දේශපාලනඥයන්ට හිමි නොවන බව එම පක්ෂයේ විධායක සභික සුනිල් හඳුන්නෙත්ති මහතා පවසනවා.
මන්ත්රීවරයෙකු විසින් ඉටුකරනු ලබන්නේ මහජන සේවයක් බැවින් ඔහුට කිසිවිටක වැටුපක් හිමි නොවන අතර ඔහුට ලබා දෙන්නේ දීමනාවක් බව ද ඔහු පවසා තිබෙනවා.
ඔහු මේ බව පැවසුවේ රූපවාහිනී දේශපාලන වැඩසටහනක් අතුරතුරදී යි.
“මම වගකීමෙන් කියන්නෙ ජාතික ජන බලවේගයේ පාලනයක් තුළ ජනතාවට නොලැබෙන කිසිදු වරප්රසාදයක් වෙනම දේශපාලනඥයාට ලැබෙන්නෙ නෑ. ලැබෙන්න ඕනත් නෑ. ජනතාවට සිකියුරිටි එකක් නැතුව දේශපාලනඥයාට සිකියුරිටි එකක් ඕන නෑ.
ජනතාව තමන්ගේ ලයිට් බිල ගෙවාගන්න බැරුව ඉද්දි දේශපාලඥයන්ගේ බිල ජනතාව ගෙවනවා. දේශපාලනඥයගේ වතුර බිල ජනතාව ගෙවනවා.මං ගාව තොරතුරු තියෙනවා. ජනතාවට නිල නිවාස නෑ. ජනතාව ඒව පවත්වාගෙන යනවා. මේ ක්රමය නවත්වන්න ඕන.
අපේ රටේ ආර්ථිකය හදන්න බෑ මේ ක්රමය වෙනස් නොකර. ජාතික ජන බලවේගයේ ආණ්ඩුවක් තුළ අපි සහතිකයක් දෙනවා. ජනතාව නැති වරප්රසාද දේශපාලනඥයට අවශ්ය නෑ. අනිවාර්යයෙන් ඒක අහෝසි වෙනවා.”
