මොටර් රථයක මගී අසුනේ යෝධ එළදෙනක් පටවාගෙන නගරය පුරා යන පුද්ගලයකු පිළිබඳ ඇමතුමක් හේතුවෙන් එක්සත් ජනපදයේ නෙබ්රස්කා හි පොලිසිය පවා විස්මයට පත් වූ පුවතක් විදෙස් මාධ්ය වාර්තා කර තිබෙනවා.
පසුගිය බදාදා මෙම පුවත වාර්තා වූ පසු නෙබ්රස්කාහි දී පොලිසිය විසින් මෙම වාහනය හඹාගිය බව වාර්තා පවසනවා.
ගව මගියා කුඩා වසු පැටවෙකු වනු ඇතැයි පොලිසිය උපකල්පනය කළ නමුත් බටහිර නොර්ෆොක් මාවතේ සහ උතුරු 13 වන වීදියේ කෙළවර අසලදී ඔවුන්ට හමු වූයේ සම්පූර්ණ ප්රමාණයේ විශාල ගොනෙකු වාඩි කරගෙන යන ෆෝඩ් ක්රවුන් වික්ටෝරියා වර්ගයේ රථයකි.
සතාට ගැළපෙන පරිදි මෝටර් රථයේ මගී පැත්තේ වහලය ඉවත් කර තිබුණු බව වාර්තාවල සඳහන්.
“එය ඝන මෝටර් රථයක්. එබැවින් මම මිල දී ගෙන එය යට තිබූ රාමුව ඉවත් කර ටයර් සහ බිම වැඩි කර ඉහළ කොටස කපා දැමුවා. අපිට යන්න එය හොඳයි,” ගොනාගේ හිමිකරු ලී මේයර් පොලීසිය හමුවේ සැහැල්ලුවෙන් පැවසු බවයි සඳහන් වෙන්නේ.
එම වාහනය Howdy Doody යන හුරතල් නාමයෙන් හැඳින්වෙන ගවයාගේ රෝද බවට පත්කිරීමේ අදහස වසර ගණනාවක් පුරා මේයර්ගේ ගේ සිතෙහි පැවති අදහසක් බව පොලිසිය හමුවේ පවසා තිබෙනවා.
“මම ඒ ගැන හිතුවා. මම ඒ ගැන කතා කළා, මගේ මිණිබිරියක් කිව්වා ඒක නරක අදහසක්, මට ඒක කරන්න එපා කියලා. ඒ නිසා මට සීයාට ඒක කරන්න පුළුවන් කියලා එයාට පෙන්නන්න වුණා,” යැයි මේයර් පැවසුවා.
Howdy Doody යනු Cornhusker ප්රාන්තය පුරා පෙළපාලි සහ ප්රදර්ශන වලදී නිත්ය ආකර්ෂණයක් වන අතර, පොලිසිය බදාදා රියැදුරුට වැඩිදුරටත් උපදෙස් දී තිබුණේ ප්රවේශම් වී දිගටම ගමන් කරන ලෙසයි.
