නෙළුම් කුළුණෙන් බිමට පැන්න විදේශිකයෙකුට බරපතල අනතුරක්

කොළඹ, නෙළුම් කුළුණේ බේස් පැනීමේ ඉසව්වට (Base Jump) සහභාගි වූ විදේශිකයෙකු එම ඉසව්ව අතරතුර දී ඇද වැටීමකින් තුවාල ලබා ඇතැයි වාර්තා වෙනවා.

එහිදී මෙම ඉසව්වට සහභාගි වූ විදේශිකයාගේ පැරෂුටය නිසි පරිදි විවෘත නොවීමෙන් මෙම අනතුර සිදුව ඇති බවයි සඳහන් වන්නේ.

එම අනතුරත් සමඟ ඔහු වහලය මතට ඇද වැටී ඇති බව සඳහන්.

මෙම සිදුවීමෙන් බරපතළ තුවාල ලැබූ විදේශිකයා වහා ප්‍රතිකාර සඳහා කොළඹ ජාතික රෝහල වෙත රැගෙන ගොස් තිබෙනවා.

මෙම බේස් පැනීමේ ඉසව්ව (Base Jump) නෙළුම් කුළුණේ දී ඊයේ (12) ආරම්භ වූ අතර එය හෙට දිනයේත් ක්‍රියාත්මකයි.