ජාතික ජන බලවේගයේ නලින්ද ජයතිස්ස හා සමගි ජන බලවේගයේ නලින් බණ්ඩාර එකම වේදිකාවකට ගෙනැවිත් යෝජිත සජිත් අනුර විවාදය පැවැත්වෙන දිනය නිශ්චිතවම ප්‍රකාශ කරන ලෙස ඊයේ (02) සිරස මාධ්‍ය ජාලය ඉල්ලීමක් කර තිබෙනවා.
එහි දී සමගි ජන බලවේගයේ නලින් බණ්ඩාර මන්ත්‍රීවරයා නායකයින් දෙදෙනා අතර විවාදය මෙන්ම යෝජිත ආර්ථික කමිටු අතර විවාදය ද සිදුවන්නේ නම් පමණක් එම විවාද දෙක සඳහාම දින ලබා දීමක් කළ හැකි බව සඳහන් කළා.
ඒ අනුව නලින්ද ජයතිස්ස මීට පෙරද එම පක්ෂය පැහැදිලි කළ ආකාරයටම මැයි 20 වැනිදාට පෙර සජිත් ප්‍රේමදාස එම විවාදයට සහභාගී නොවන්නේ නම් දෙවැනි පියවර ලෙස ආර්ථික කමිටු අතර විවාදයට තම පක්ෂය සූදානම් බව පැවසුවා.
එහි දී නලින් බණ්ඩාරට එසේ නම් කැලැන්ඩර බලා අද (03) හෝ හෙට (04) යන දින දෙකෙන් එකක විවාද දින දෙකම ලබා දෙන බව සඳහන් කළා.
සමගි ජන බලවේගයේ මහලේකම් රංජිත් මද්දුම බණ්ඩාර ද සති අන්තයේ දින ලබා දෙන බව පවසා ඇති බවයි නලින්ද ජයතිස්ස එහිදී පවසා සිටියේ.
