අපොස සාමාන්‍ය පෙළ විභාගයේ ඉංග්‍රීසි ප්‍රශ්ණ පත්‍රය නිකුත් කිරීම සම්බන්ධයෙන් හසලක ප්‍රදේශයේ පෞද්ගලික උපකාර පන්ති ඉංග්‍රීසි ගුරුවරයෙකු සහ ඔහුගේ මවගේ ජංගම දුරකථන පොලිස් භාරයට ගත් බව පොලිසිය පවසනවා.
සිද්ධිය සම්බන්ධයෙන් ඉංග්‍රීසි ටියුෂන් ගුරුවරයාගෙන් සහ ඔහුගේ මවගෙන් ප්‍රකාශ සටහන් කරගත් බවද පොලිසිය සඳහන් කර තිබෙනවා.
මේ සම්බන්ධයෙන් අදහස් දක්වමින් විභාග කොමසාරිස් ජනරාල් එච්.ජේ.එම්.සී. අමිත් ජයසුන්දර මහතා පැවසුවේ දැනට පැවැත්වෙන සාමාන්‍ය පෙළ විභාගවලදී අනාවරණය වූ අක්‍රමිකතා කිහිපයක් සම්බන්ධයෙන් අපරාධ පරීක්ෂණ දෙපාර්තමේන්තුවට (CID) පැමිණිල්ලක් ගොනු කළ බවයි.
කොළඹ, කොටහේන සහ හසලක යන විභාග මධ්‍යස්ථාන දෙකක සිදුවීම් වාර්තා වී ඇති බව ඔහු පවසා තිබෙනවා.
මේ අතර ඇතැම් අයදුම්කරුවන් විසින් ඉංග්‍රීසි ප්‍රශ්න පත්‍රය සඳහා පිළිතුරු ලබා ගැනීමට ස්මාර්ට් ජංගම දුරකථන භාවිත කර ඒවා වෙනත් අය සමඟ බෙදා ගැනීමට උත්සාහ කළ අවස්ථා කිහිපයක් ද වාර්තා වීඇති බව සඳහන්.
එම ජංගම දුරකථන ද රාජසන්‍තක කර ඇතැයි වාර්තා වෙනවා.
