ප්රවීණ රංගන ශිල්පී ජැක්සන් ඇන්තනි මහතා ඊයේ (13) දිවි රඟමඩලෙන් සමුගෙන ගියා.
ගුරු ගෙදර, චිට්ටි, අයෝමා, ලොකු දුව, පුනරුත්පත්තිය, බව දුක, බව කර්ම, විසිදැල, තරණය, ගිනි අවි සහ ගිනි කෙළි, අස්වැසුම, අග්නිදාහය, මිල්ලෙ සොයා, සූරිය අරණ, රන් දිය දහර, ගරිල්ලා මාකටින්, ධීවරී, ක්ෂේම භූමි, කුස පබා, ප්රවේගය, මහ රජ ගැමුණු, ඇහැළේපොළ කුමාරි හාමි, ඇඩ්රස් නෑ ආදී වූ ඔහුගේ අතිශය දීර්ඝ සිනමා නිර්මාණ ලැයිස්තුවේ අවසානය සනිටුහන් කළ නිර්මාණය වූයේ සෝමරත්න දිසානායක අධ්යක්ෂණය කරන සිංහබාහු චිත්රපටයයි.
දෛවෝපගත ලෙස ඔහුට ජීවිතය අහිමි කළ දරුණු අනතුරට මුහුණ දීමට සිදුවූයේ එහි රූපගත කිරීමකට සහභාගී වී ඔහුගේ නවාතැන්පොළට යමින් සිටිය දීයි.
එදින රූගත කිරීම් අවසානයේ එම දර්ශන ඔහු බලාපොරොත්තු වූ ආකාරයටත් හොඳින් ලබා ගැනීමට හැකි වීම නිසා ඔහු අතිශය සතුටින් සිටි බව ද අධ්යක්ෂ සෝමරත්න දිසානායක මහතා පවසා තිබෙනවා.
ජැක්සන් නම් සිනමාවේ අති දක්ෂ රංගනවේදියා කැමරාව ඉදිරියේ අවසානවරට රඟ දැක්වූ ජවනිකාව මේ වන විට මාධ්ය වෙත නිකුත් කිරීමට එහි අධ්යක්ෂවරයා කටයුතු කර තිබෙනවා.
මේ එම දර්ශනයයි.
