ස්ත්‍රී දූෂණ චෝදනාවකට ලක්ව අධිකරණ නියෝග මත වසරකට ආසන්න කාලයක් ඕස්ට්‍රේලියාවේ රැඳී සිටින ශ්රී ලංකා ක්‍රිකට් කණ්ඩායමේ හිටපු ආරම්භක පිතිකරුවන ධනුෂ්ක ගුණතිලකගේ නඩුව ඊයේ(18) සිඩ්නි නුවර ඩව්නින් දිස්ත්‍රික් අධිකරණයේ දී විභාගයට ගත් බව වාර්තා වෙනවා.
ඔහු ඊයේ විනිසුරු සාරා හගෙට් ඉදිරියේ පෙනී සිටි අතර ඔහු අධිකරණය වෙත පැමිණියේ තොරතුරු හඳුනා නොගත් සුදු ජාතික තරුණියකගේ සමඟ අතිනත් පටලාගෙන බව විදෙස් මාධ්‍ය වාර්තා කළා.
ධනුෂ්ක ගුණතිලක සිය නීතිඥ මුරුගන් තංගරාජ් මහතා සමඟ අධිකරණයට පැමිණ සිටි බවත් අධිකරණ ක්‍රියාවලිය හේතුවෙන් අනන්‍යතාවය හෙළි නොකරන අදාළ කාන්තාව ද අධිකරණයට පැමිණ සිටි බවයි එම වාර්තාවල දැක්වුණේ.
ඔහු පසුගිය T20 ලෝක කුසලානය සඳහා සහභාගී වීමට ඕස්ට්‍රේලියාව බලා ගොස් සිටිය දී ටින්ඩර් නම් වෙබ් අඩවියක් ඔස්සේ තරුණියක දැනහැඳින ගැනීමෙන් පසු සිදුවීම් ගණනාවකට මුහුණ දී සිටිනවා.
එම තරුණිය පසුව චෝදනා කළේ ඔහු බලහත්කාරයෙන් ඇයට ලිංගික අතවරයක් සිදු කළ බවයි.
විත්තිකාර ධනුෂ්ක උපත් පාලන කොපුව ඉවත් කරමින් බලහබලහත්කාරයෙන් ලිංගිකව හැසිරුණු බවත් ඊට විරෝධය දැක්වීමේ දී තමාගේ ගෙල සිර කර බවත් දූෂණයට ලක් වූ බව කියන 29 හැවිරිදි තරුණිය ඊයේ අධිකරණය හමුවේ ප්‍රකාශ කළ බව මාධ්‍ය වාර්තා වැඩිදුරටත් සඳහන් කළා.
මෙම නඩුව තවත් දින තුනක් හෝ හතරක් ඇතුළත අවසන් කිරීමට විනිසුරු සාරා හගේට් බලාපොරොත්තු වන බව ද මාධ්‍ය වාර්තා පවසනවා.
