ප්‍රමිතියෙන් තොර ඉමියුනෝග්ලොබියුලින් සැදීම සඳහා රුධිරය ලීටර 150ක් ලබා ගෙන ඇත්තේ, ජාතික රුධිර මධ්‍යස්ථානයෙන් බව රිමාන්ඩ් භාරයේ පසුවන Izolez Boitech Pharma සමාගමේ හිමිකාර සුගත් ජනක ප්‍රනාන්දු හෙවත් අරුණ දීප්ති පවසා ඇතැයි වාර්තාවේ.
සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් පවසන්නේ එම රුධිරය ලබාගෙන ඇත්තේ අධ්‍යන පර්යේෂණයක් සඳහා යයි පවසමින්, සෞඛ්‍ය ලේකම්වරයාගේ අනුමැතිය මත බවයි.
ඒ අනුව, ජාතික රුධිර මධ්‍යස්ථානයෙන් රුධිරය ලීටර 150ක් අදාල ව්‍යාපාරිකයාට ලබාදී ඇතැයි එම සංගමය පවසයි.
මිනිස් රුධිරයෙන් නිපදවන හියුමන් ඉමියුනොග්ලොබියුලීන් ඖෂධයේ ප්‍රමිතියෙන් තොර එන්නත් කුප්පි 22,500 ක් ව්‍යාජ ලේඛන සකස් කරමින් රජයේ රෝහල්වලට සපයා ඇතැයි කියන Izolez Boitech Pharma සමාගමේ හිමිකාර සුගත් ජනක ප්‍රනාන්දු හෙවත් අරුණ දීප්ති නැමැත්තාව ලබන 15 වැනි දා තෙක් රිමාන්ඩ් බාරයේ තබන්නැයි මාලිගාකන්ද මහේස්ත්‍රාත් ලෝචනා අබේවික්‍රම වීරසිංහ නොවැම්බර් 01 දා නියෝග කළාය.
