ජනාධිපති රනිල් වික්රමසිංහ මහතා සහ නිව්යෝර්ක් හි Meta සමාගමේ ගෝලීය සම්බන්ධතා අංශයේ සභාපති නික් ක්ලෙග් මහතා අතර හමුවක් සිදුව තිබෙනවා.
කොමිසමක් මගින් ‘සත්යය’ බේරුම් කිරීමට සැලසුම් කර ඇති ‘Online Safety’ නීතිය තවදුරටත් සංශෝධනය කිරීමට හෝ ශ්රේෂ්ඨාධිකරණයේ අභියෝගයට ලක් කළ හැකි බව ජනාධිපති රනිල් වික්රමසිංහ මහතා මෙහි දී සභාපතිවරයා වෙත පවසා සිටි බව සඳහන්.
ජනාධිපති මාධ්ය අංශය නිවේදනය කළේ, ඊයේ (19) සවස එම හමුව පැවති බවයි.
අන්තර්ජාලය ඇතුළු සමාජ මාධ්ය ඔස්සේ පළවන වෛරී ප්රකාශ සහ අසත්ය ප්රචාර මැඩපැවැත්වීම සඳහා ශ්රී ලංකා රජය ගෙන ඇති නව ක්රියාමාර්ග පිළිබඳව ද එහිදී ජනාධිපතිවරයා විසින් පැහැදිලි කර තිබෙනවා.
ඒ වෙනුවෙන් ඉදිරියේ දී හඳුන්වාදීමට යෝජිත පනත මඟින් බලපෑමට ලක්වූවන්ට ශ්රේෂ්ඨාධිකරණය හරහා ක්රියාමාර්ග ගත හැකි බව ද ජනාධිපතිවරයා සඳහන් කර ඇති බවයි වාර්තා වන්නේ.
එසේම පාර්ලිමේන්තු කාරක සභා සමාලෝචනයේ දී මෙම පනතට තවත් සංශෝධන එක් කළ හැකි බවත් ජනාධිපතිවරයා වැඩිදුරටත් පෙන්වා දී තිබෙනවා.
