මාස 14 කට වැඩි කාලයක් කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිට මිය ගිය ප්රවීණ රංගන ශිල්පී ජැක්සන් ඇන්තනි මහතාගේ මරණයට හේතුව් වෛද්යවරුන් විසින් පැහැදිලි කළ යුතු බව ශ්රී ලංකාවේ චිත්රපට අධ්යක්ෂ, තිර රචක සහ නිෂ්පාදක සෝමරත්න දිසානායක මහතා පවසා තිබෙනවා.
කොළඹ ජයරත්න අවමංගල්ය ශාලාවේදී මාධ්ය අමතමින් ඔහු කියා සිටියේ ජැක්සන් තම ප්රධාන සැත්කමෙන් පසුව ඔවුන් සමඟ කතා කළ බවයි.
නොදන්නා හේතුවක් නිසා මේ අයුරින් ඔහුට මියයාමට සිදුවූ අතර ඔහුගේ මරණයට හේතුව වෛද්යවරුන් විසින් පැහැදිලි කළ යුතු බව ඔහු පවසනවා.
කෙසේ වෙතත් ජැක්සන් වැනි වටිනා පුද්ගලයකුට මෙවැනි ඉරණමකට මුහුණ දීමට සිදු වූයේ ජාතියේ අවසනාවට බව ද ඔහු ප්රකාශ කළා.
“අනතුර වෙලා විනාඩි කිහිපයකින් මම එතනට ආවා.එදා පටිගත කිරීම් ඉතා සාර්ථකයි, ජැක්සන් පටිගත කිරීම් ගැන ගොඩක් සතුටු වුණා, ඒක සමරන්න ඕනේ. ඊට පස්සේ මම එයාට කිව්වා හෝටලයට යන්න කියලා. මොකද ජැක්සන් හිටියේ හෝටලයේ. චිත්රපටයේ ප්රධාන චරිතය වන ඔහුට මම වෙනම වාහනයක් සහ රියදුරෙක් ලබා දුන්නා.ඒත් එයාට එයාගේම ඩබල් කැබ් එක එලවන පුරුද්දක් තියෙනවා.එයා කවදාවත් වෙන වාහන හෝ රියදුරන් පාවිච්චි කරන්නේ නැහැ. මම ඇතුළු අපේ අනෙකුත් වාහන පසුපසින් ආවා”
“හෝටලයට යන අතරමගදී විශාල වාහන තදබදයක් දැකලා ජැක්සන්ගේ වාහනය අනතුරකට ලක්වෙලා තියෙනව දැක්කා.මම ජැක්සන්ව මගේ වාහනයෙන් අනුරාධපුර රෝහලට එක්කගෙන ගියා.වෛද්යවරුන්ගේ නිර්දේශයෙන් පස්සේ ජැක්සන්ව කොළඹ ජාතික රෝහලට මාරු කළා”
“ප්රධාන ශල්යකර්මයෙන් පස්සේ ජැක්සන් අපිත් එක්ක කතා කළා. ඊට පස්සේ සිහිය නැතිව ඇඳේ වැතිරුණා. තාමත් අපිට තේරුම් ගන්න බැරි හිඩැසක් තියෙනවා. ඒ ගැන වෛද්යවරුන් අපට පැහැදිලි කළ යුතුයි,” දිසානායක මහතා ප්රකාශ කළා.
