සාරාංශය:
ඕස්ට්‍රේලියාවේ ශිෂ්‍ය වීසා අයදුම්කරුවන්ගේ සැබෑ අධ්‍යාපන අරමුණ සහ මූල්‍ය හැකියාව පරීක්ෂා කිරීම තවදුරටත් ශක්තිමත් කිරීමට නව යෝජනා ඉදිරිපත් කර තිබෙනවා. මේවා තවමත් අවසන් තීරණ නොවන අතර, අදහස් ඉදිරිපත් කිරීමට 2026 නොවැම්බර් 23 දක්වා අවස්ථාව ලබාදී තිබෙනවා.
Summary:
Australia is consulting on proposed changes to the Genuine Student requirement and financial capacity framework for student visa applicants. The proposals are not yet final, with submissions open until 23 November 2026.
ඕස්ට්‍රේලියාවේ අධ්‍යාපනය ලබන්න බලාගෙන ඉන්න අයට ඉදිරියේදී තවත් අභියෝගයක් ඇති වෙයිද? මේ වන විට ඒ ගැන විශේෂ අවධානයක් යොමුව තිබෙනවා.
(Lakvahini) – ඕස්ට්‍රේලියානු ශිෂ්‍ය වීසා ලබාදීමේ ක්‍රියාවලියට අදාළව නව වෙනස්කම් කිහිපයක් හඳුන්වාදීම පිළිබඳ යෝජනා ඉදිරිපත් කර තිබෙනවා.
ඕස්ට්‍රේලියානු ස්වදේශ කටයුතු දෙපාර්තමේන්තුවේ අවධානය යොමුව ඇත්තේ ශිෂ්‍ය වීසා අයදුම්කරුවන්ගේ සැබෑ අධ්‍යාපන අරමුණ සහ අධ්‍යාපන ගාස්තු මෙන්ම ජීවන වියදම් දැරීමට ඇති මූල්‍ය හැකියාව තවදුරටත් පරීක්ෂා කිරීම කෙරෙහියි.
ඒ අතරේ, වීසා අයදුම් කිරීමේදී ඉදිරිපත් කළ යුතු මූල්‍ය සාක්ෂි සම්බන්ධ අවශ්‍යතා තවත් ශක්තිමත් කළ යුතුද යන්න පිළිබඳවත් අදහස් විමසමින් සිටිනවා.
නමුත් මෙතැනදී වැදගත්ම කරුණක් තිබෙනවා. මේ සියල්ල තවමත් යෝජනා මට්ටමේ පවතින අතර, ශිෂ්‍ය වීසා නීති වෙනස් කිරීම පිළිබඳ අවසන් තීරණයක් මෙතෙක් ගෙන නැහැ.
මෙම යෝජනා සම්බන්ධයෙන් අදහස් සහ යෝජනා ඉදිරිපත් කිරීමට 2026 නොවැම්බර් 23 දහවල් 12 දක්වා අවස්ථාව ලබාදී තිබෙනවා.
ඒ අනුව, ඕස්ට්‍රේලියාවේ අධ්‍යාපනය ලැබීමට බලාපොරොත්තු වන ශ්‍රී ලාංකික සිසුන්ටත් මේ යෝජනා පිළිබඳ අවධානයෙන් සිටීම වැදගත්. ඉදිරියේදී අවසන් තීරණයක් ගතහොත් එය ශිෂ්‍ය වීසා අයදුම් කිරීමේ ක්‍රියාවලියට බලපෑ හැකියි.
#Australia #StudentVisa #SriLankanStudents #StudyInAustralia