සාරාංශය:
ඕස්ට්‍රේලියාවේ Sydney Southwest Metro දුම්රිය සේවාව ඔක්තෝබර් 30 වැනිදා නිල වශයෙන් ආරම්භ කර තිබෙනවා. Lakemba, Campsie, Bankstown සහ Marrickville ඇතුළු ප්‍රදේශ රැසකට නව දුම්රිය සම්බන්ධතාව ලැබීම සිඩ්නිහි ජීවත් වන ශ්‍රී ලාංකිකයන්ටත් වැදගත් වෙනවා.
Summary:
Sydney’s Southwest Metro officially opened on October 30, 2026, connecting Bankstown and southwest Sydney with the CBD and the wider Metro network. The service includes several suburbs with established multicultural communities.
සිඩ්නි නගරයේ ගමන් බිමන් යන අයට ඔක්තෝබර් 30 සිට අලුත් වෙනසක්!
(Lakvahini) – සිඩ්නිහි ජීවත් වන ශ්‍රී ලාංකිකයන්ටත් වැදගත් වෙන ප්‍රවාහන වෙනසක් ඔක්තෝබර් 30 වැනිදා සිට ක්‍රියාත්මක වී තිබෙනවා.
ඒ Sydney Southwest Metro නව දුම්රිය සේවාව නිල වශයෙන් මගීන් සඳහා විවෘත කිරීමයි.
මෙම නව දුම්රිය මාර්ගය Bankstown සිට සිඩ්නි නගර මධ්‍යය හරහා වයඹ දිග ප්‍රදේශ දක්වා කිලෝමීටර් 66ක සම්බන්ධතාවක් ලබාදෙනවා.
විශේෂත්වය වන්නේ ශ්‍රී ලාංකිකයන් බහුලව ජීවත් වන Lakemba, Campsie, Punchbowl සහ Bankstown වැනි ප්‍රදේශත් මෙම නව දුම්රිය සේවයට සම්බන්ධ වීමයි.
සාමාන්‍ය සතියේ කාර්යබහුල වේලාවන්හිදී විනාඩි හතරකට වරක් දුම්රිය ධාවනය කිරීමට සැලසුම් කර තිබෙනවා. දිවා කාලයේදී විනාඩි පහකට වරක් සහ සවස් කාලයේදී විනාඩි දහයකට වරක් සේවා ක්‍රියාත්මක වනවා.
කෙසේ වෙතත් පළමු සති අන්තය වන ඔක්තෝබර් 31 සහ නොවැම්බර් 1 යන දිනවල වැඩි මගී ඉල්ලුම කළමනාකරණය කිරීම සඳහා විනාඩි හතකට වරක් දුම්රිය ධාවනය කිරීමට නියමිතයි.
තවත් වැදගත් කරුණක් වන්නේ Lakemba සිට Victoria Cross දක්වා ගමනට මිනිත්තු 37ක් පමණක් ගතවන ලෙස ගමන් කාලය සැලසුම් කර තිබීමයි.
සිඩ්නිහි පොදු ප්‍රවාහන සේවා භාවිත කරන ශ්‍රී ලාංකිකයන්ට මේ නව වෙනස ප්‍රයෝජනවත් වේවි.
#SydneyMetro #Lakemba #Campsie #SriLankansInAustralia #SydneyTransport