අපේ රට ශිෂ්ඨ සම්පන්න තැනකට ගෙන ඒමට පුළුවන් ඓතිහාසික පරිවර්තනය සිදු කිරීමට අවශ්ය නායකයකු පත් කර ගැනීමේ අවස්ථාව එළැඹී ඇති බව ජාතික ජන බලවේගයේ ජාතික විධායක සභික හරිනි අමරසූරිය පවසනවා.
අද (06) ජාතික ජන බලවේගයේ නායක අනුර කුමාර දිසානායක මහතාගේ 2024 ජනාධිපතිවරණය සඳහා වන ඇප තැන්පත් කරමින් ඇය එසේ ප්රකාශ කළා.
තව දින 48 ක් වැනි කාලයක් තුළ ජනතාව නියෝජනය කරන මේ රට අවශ්ය තැනට ඔසවා තැබිය හැකි ඒ නායකයා තෝරා පත් කර ගැනීමට අවස්ථාව හිමි වන බවත් ඇය කියා සිටියා.
සිය පක්ෂය අවුරුදු ගණනක් බලා සිටියේත් වැඩ කළේ එම අවස්ථාව උදා වන තුරු බවත් ඇය පැවසුවා.
