සමගි ජන බලවේගයේ කටාන ආසනයේ සංවිධායකවරයා ලෙස කටයුතු කළ හිටපු අමාත්ය විජිත් විජයමුණි සොයිසා මහතා ඉදිරි ජනාධිපතිවරණයේදී ජනාධිපති රනිල් වික්රමසිංහ මහතාට සහය පළ කර තිබෙනවා.
ඔහු අද (12) පස්වරුවේ ජනාධිපති වික්රමසිංහ මහතා හමුවී සිය සහයෝගය නිල වශයෙන් ප්රකාශ කළා.
ඵලදායි දේශපාලනයක් සඳහා ස්ථාවර රටක් අවශ්ය බව අවධාරණය කළ ඔහු, මේ වන විට ජාතිය දියුණු වෙමින් පවතින්නේ ජනාධිපති වික්රමසිංහ මහතාගේ ආර්ථික සහ දේශපාලන උපාය මාර්ග යටතේ බව සඳහන් කර සිටියා.
එමෙන්ම රටට තිරසාර ප්රගතියක් අත්කර ගත හැක්කේ මෙම වැඩපිළිවෙළ තුළින් පමණක් බවට ඔහු විශ්වාසය පළ කරයි.
එබැවින් තම පාක්ෂිකයින්ගේ සහයෝගය ඇතිව ඉදිරි මැතිවරණයේදී ජනාධිපති වික්රමසිංහ මහතාට සහය දක්වන බවයි ඔහු පැවසුවේ.
මෙම රැස්වීමට අමාත්ය ප්රසන්න රණතුංග, පාර්ලිමේන්තු මන්ත්රී වජිර අබේවර්ධන සහ ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සාගල රත්නායක යන මහත්වරු ද සහභාගි වුණා.
