බංග්ලාදේශයේ නව අග්‍රාමාත්‍ය මුහම්මද් යුනුස් මහතා සිය රට ස්ථාවර කිරීම සඳහා ශ්‍රී ලංකා ජනාධිපති රනිල් වික්‍රමසිංහ මහතාගේ සහය ඉල්ලා ඇති බව ජනාධිපතිවරයාට සමීප ආරංචි මාර්ග පවසනවා.
බංග්ලාදේශය ස්ථාවර කිරීමට වික්‍රමසිංහ මහතාගේ සහාය අවශ්‍ය බව අගමැති යූනුස් දන්වා ඇත්තේ ජනාධිපතිවරයා ඔහුට සුබ පැතීමට දුරකථනයෙන් කතා කළ අවස්ථාවේදීය.
බංග්ලාදේශයට සහය දැක්වීමට ශ්‍රී ලංකාව උපරිමයෙන් කටයුතු කරන බව ජනාධිපති වික්‍රමසිංහ මහතා එහිදී අග්‍රාමාත්‍ය යූනුස්ට පැවැසූ බව සඳහන්.
බංග්ලාදේශයේ ආයෝජනය කර ඇති ශ්‍රී ලාංකික ව්‍යාපාරිකයින්ට එහි රැඳී සිට ව්‍යාපාර කරගෙන යන ලෙස තමන් දැනුම් දුන් බවද ඔහු අගමැති යූනුස් වෙත දැනුම් දී තිබෙනවා.
2022 වසරේ ශ්‍රී ලංකාවේ ඇති වූ මහජන නැගිටීමකින් එවකට ජනාධිපති ගෝඨාභය රාජපක්ෂ පලවා හැරීමෙන් පසු රනිල් වික්‍රමසිංහ මහතා ජනාධිපති ධුරයට පත් වුණා.
යුනුස් මහතාද බලයට පත් වූයේ ඒ හා සමාන මහජන අරගලයක් ඇති වී බංගලාදේශයේ අගමැතිනිය නෙරපා හැරීමෙන් පසු ඔහුට අගමැති ධුරය ලබා දෙන ලෙස ගලා ආ ජනතා ඉල්ලීම්වලින් පසුවයි.
