සිවිල් යුද්ධය හේතුවෙන් ඇති වූ මානුෂීය අර්බුදය මධ්යයේ සුඩානයේ කොලරාව ඇතුළු රෝග උග්ර වී ඇති අතර එමඟින් පුද්ගලයින් 300 කට වැඩි පිරිසක් මිය ගොස් ඇතැයි ලෝක සෞඛ්ය සංවිධානය (WHO) අනාවරණය කර තිබෙනවා.
එහි උසස් නිලධාරියකු අනාවරණය කර ඇත්තේ මේ වන විට කොලරා රෝගීන් 11,327 ක් සහ මරණ 316 ක් වාර්තා වී ඇති අතර ඩෙංගු උණ සහ මෙනින්ජයිටිස් (මොළයේ උණ) ආසාදන ද ඉහළ යමින් පවතින බවයි.
මේ වන විට වාර්තා වී ඇති ප්රමාණවලට වඩා ඉහළ අගයක් රෝගීන් අපේක්ෂා කරන බවයි ලෝක සෞඛ්ය සංවිධානය පවසා ඇත්තේ.
ලෝක සෞඛ්ය සංවිධානයට අනුව, මෑත කාලීන කොලරාව පැතිරීම වඩාත් මාරාන්තික වී ඇති අතර මරණ අනුපාතය දශකයකට වැඩි කාලයක් තුළ වාර්තා වූ ඉහළම අගයයි.
දූෂිත ආහාර සහ ජලය තුළ පැතිරෙන බැක්ටීරියාවක් නිසා කොලරාව ඇති වන අතර එය පැතිරීම නැවැත්වීමට පිරිසිදු ජලය සහ සනීපාරක්ෂාව සඳහා ප්රවේශය වැදගත් වෙනවා.
මෙම රෝගය මෘදු රෝග ලක්ෂණ ඇති කළ හැකි නමුත් ප්රතිකාර නොමැති වුවහොත් පැය කිහිපයක් ඇතුළත මිය යා හැකිය.
වයස අවුරුදු පහට අඩු දරුවන්ට විශේෂ අවදානමක් පවතී.
මේ අතර සුඩානයේ සටන් හේතුවෙන් රටේ පුද්ගලයන් පස් දෙනෙකුගෙන් එක් අයෙකුට තම නිවෙස්වලින් පලා යාමට සිදු වී ඇති අතර ප්රචණ්ඩත්වය හේතුවෙන් දස දහස් ගණනකගේ ජීවිත අහිමි වී ඇතැයි වාර්තා වෙනවා.
