සමගි ජන බලවේගයේ මහ ලේකම් රංජිත් මද්දුම බණ්ඩාර වෙනුවට සුජීව සේනසිංහ මහලේකම් තනතුරට පත් කිරීමට විපක්ෂ නායක සජිත් ප්‍රේමදාස මහතා ගත් උත්සහයක් මෙන්ම පක්ෂ අභ්‍යන්තරයේ ඇතැම් නායකයින් කිහිප දෙනෙක් පමණක් සජිත් මෙහෙයවීම හේතුවෙන් පක්ෂ අභ්‍යන්තරයේ ගැටලු රාශියක් පැන නැගී ඇති බව අභ්‍යන්තර ආරංචි මාර්ග පවසනවා.
රංජිත් මද්දුම බණ්ඩාරට ඒ අනුව පක්ෂය අභ්‍යන්තරයේ කැපිල්ලක් මතුව ඇති බවයි සඳහන් වන්නේ.
ආරංචි මාර්ග පවසන ආකාරයට ඔහුට ලබා දී ඇති අගමැති ධූරය ද නිදහස් ජනතා සභාවේ ජී.ඇල් පීරිස් වෙත ලබා දීමට වන සාකච්ඡා තව දුරටත් සිදු වෙමින් පවතී.
තිස්ස අත්තනායක,කබීර් හෂීම්,තලතා අතුකෝරල,හර්ෂ ද සිල්වා වැනි සමගි ජන බලවේගය ගොඩ නැගීමට මුල සිට දර දිය ඇද්ද නායකයින් ද පක්ෂ අභ්‍යන්තරය තුළ ඇති තත්ත්වය පිළිබඳ කණස්සල්ලෙන් පසු වන බවයි වාර්තා වන්නේ.
මෙම අභ්‍යන්තර ගැටලුව පිළිබඳ රනිල් පාර්ශවය ද මේ වන විට දැඩි අවධානයකින් සිටින බව පැවසෙනවා.
ඒ අවසාන මොහොතේ හෝ සජබයෙන් ගැලවී යන පුරුකක් දෙකක් හෝ ඔවුන්ගේ පාර්ශවයට බිලී බා ගැනීමේ අරමුණෙන් බවයි සඳහන් වන්නේ.
