ශක්ති ටීවී ඔස්සේ විකාශය වීමට නියමිතව තිබූ දේශපාලන වැඩසටහනක පටිගත කිරීමක් අතරතුර, පාර්ලිමේන්තු මන්ත්‍රීවරුන් වන පලනි දිගම්බරම් සහ වේලු කුමාර් අතර ඇතිවූ බහින්බස්වීමක්, ගුටි බැට හුවමාරුවකින් අවසන් වී තිබෙනවා.
මෙම ගුටි බැට හුවමාරුව සිදුව තිබුණේ සිරස රූපවාහිනියේ ස්ටයින් මැදිරි සංකීර්නය තුළ සජීවී පටිගත කිරීමක් අතරතුරදීය.
එහිදී දිගම්බරම් මන්ත්‍රීවරයා වේලුකුමාර් මන්ත්‍රීවරයාට දමිළ භාෂාවෙන් “බාර් කුමාර්” යයි ආමන්ත්‍රණය කරන අතර වේලුකුමාර් ද ඔහුට බැණ වදී. අනතුරුව සටනකට අවතීර්ණ්ය වූ ආකාරය මේ වන විට නිකුත් වී ඇති වීඩියෝ පටයේ සටහන් වී තිබෙනවා.
පසුගියදා වේලු කුමාර් මන්ත්‍රීවරයා ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහය දක්වන බව ප්‍රකාශ කළ අතර දිගම්බරම් මන්ත්‍රීවරයා TPA නායක මනෝ ගනේෂන් සමඟ විපක්ෂ නායක සජිත් ප්‍රේමදාස මහතාට සහය පළකිරීමට කටයුතු කළා.
