ශ්රී ලංකා පොදුජන පෙරමුණේ ජනාධිපති රනිල් වික්රමසිංහට සහාය පළකරන පාර්ලිමේන්තු මන්ත්රීවරුන් වෙනුවෙන් නව දේශපාලන පක්ෂයක් බිහිකිරීම සම්බන්ධයෙන් වූ විශේෂ සාකච්ඡාවක් අද (20) කොළඹදී පැවැත්වුණා.
එම නව සන්ධානයේ සභාපති ධූරය අග්රාමාත්ය දිනේෂ් ගුණවර්ධනට ලබාදීමටයි එහි දී තීරණය වී ඇත්තේ.
නව සන්ධානයේ නිලධාරී මණ්ඩලය, විධායක සභාව මෙන්ම ඊට සෙසු පක්ෂ සම්බන්ධ කර ගැනීම පිළිබඳව මෙහිදී දීර්ඝ වශයෙන් සාකච්ඡා වී තිබෙනවා.
ඉදිරි ජනාධිපතිවරණයෙන් පසුව පැවැත්වෙන ඕනෑම මැතිවරණයකට මෙම නව දේශපාලන පක්ෂය හරහා අපේක්ෂකයින් ඉදිරිපත් කිරීමට එහිදී තීන්දු වූ බව සඳහන්.
අග්රාමාත්ය දිනේෂ් ගුණවර්ධනගේ සහ ආණ්ඩු පක්ෂයේ ප්රධාන සංවිධායක ප්රසන්න රණතුංගගේ ප්රධානත්වයෙන් පැවති මෙම හමුව සඳහා රනිල් වික්රමසිංහට සහාය පළ කර සිටින ශ්රී ලංකා පොදුජන පෙරමුණේ පාර්ලිමේන්තු මන්ත්රීවරු සියයකට ආසන්න පිරිසක් සහභාගි වූණා.
එහි දී නව දේශපාලන පක්ෂය සඳහා නම් කීපයක්ම එහිදී යෝජනා වී තිබුණා.
ඉදිරියේදී බිහිවන නව දේශපාලන පක්ෂය සඳහා ව්යවස්ථාව මේ වන විටත් සකස් කර ඇති බැවින් ඒ ව්යවස්ථාව අනුව ඉදිරියේදී කටයුතු කිරීමට ද එහිදී මන්ත්රීවරු තීරණය කර තිබෙනවා.
