ජාතික ජන බලවේගයේ නායක අනුර කුමාර දිසානායක මහතා හා සමස්ත ලංකා ජම්ඉයියතුල් උලමා සංවිධානයේ සාමාජිකයන් අතර අද(21) පෙරවරුවේ සාකච්ඡාවක් පැවැත්වුණා.
මේ වන විට රට තුළ පවතින දේශපාලන තත්වය පිළිබඳව මුෆ්ති තුමන්ලා හා පාලක මව්ලවිතුමන්ලා සමග සාකච්ඡා කළ අතර එළඹෙන ජනාධිපතිවරණයේ ජයග්‍රහණය වෙනුවෙන් අනුර කුමාර දිසානායක සහෙෝදරයාට එතුමන්ලාගේ ආශිර්වාද ලබා දීමද මෙහිදී සිදු කෙරුණා.
තවද පසුගියදා විවිධ සමාජ මාධ්‍ය ජාලාවල සංසරණය වූ මුස්ලිම් ප්‍රජාවට තම රජයක් යටතේ රැවුල වැවීමට ඉඩ නොදෙන ප්‍රකාශය ආදිය සම්බන්ධයෙන් අනුර කුමාර දිසානායක මහතා වැඩි දුරටත් සඳහන් කළා.
මෙම හමුව ජයන්ත වීරසේකර මාවතේ පිහිටි සමස්ත ලංකා ජම්ඉයියතුල් උලමා සභා ප්‍රධාන කාර්යාලයේදී පැවැත්වුණු අතර සංවිධානයේ ප්‍රධානී ගරු අස් සේහ් මුෆ්ති ඒ.ජේ.ඒ. රිස්වි, ගරු අස් සේහ් අර්කම් නුරඅමිත්තුමන් හා ආචාර්ය ඒ.ඒ. අහමඩ් අස්වර්තුමන් ඊට සහභාගි වී සිටියා.
මෙම අවස්ථාව සඳහා ජාතික ජන බලවේගයේ ජාතික විධායක සභික විජිත හේරත් මහතා ද එක් වුණා.
