තමන් ජනාධිපති වුවහොත් යුද්ධයෙන් පීඩාවට පත් උතුරු සහ නැගෙනහිර පළාත්වලට සහය දැක්වීම සඳහා ජාත්යන්තර ආධාර සමුළුවක් කැඳවීමට සැලසුම් කර ඇති බව විපක්ෂ නායක සජිත් ප්රේමදාස මහතා නිවේදනය කර තිබෙනවා.
මෙම මුලපිරීම ඉතිරි පළාත් හතට ද ප්රතිලාභ ලබා හිමි කර දෙනු ඇතැයි ඔහු ප්රකාශ කළා.
ප්රේමදාස මහතා මේ බව ප්රකාශ කළේ දෙහිඅත්තකණ්ඩිය ප්රදේශයේ පැවති ජනහමුවක් අමතමිනි.
සිවිල් ආරක්ෂක අංශයේ නිලධාරීන් සංඛ්යාව අඩු කිරීමට වත්මන් රජය ගෙන යන ක්රියා කලාපය විවේචනය කළ ඔහු එම නිලධාරීන් වෙනුවෙන් පාර්ලිමේන්තුවේ ප්රබලම හඬ නැගුවේ සමගි ජන බලවේගය බව ද අවධාරණය කර සිටියා.
එමෙන්ම සමගි ජන බලවේගයේ රජයක් යටතේ රාජ්ය සේවකයින්ට ලබා දෙන වැටුප් වර්ධක සහ ප්රතිලාභ සිවිල් ආරක්ෂක නිලධාරීන්ට ලබා දෙන බවට ද පොරොන්දු වී තිබෙනවා.
ප්රේමදාස මහතා ස්වේච්ඡාවෙන් විශ්රාම යන අය සඳහා ඉහළ වැටුප් ලබාදීම, ආබාධිත නිලධාරීන් සඳහා අමතර ප්රතිලාභ සහ අසාධාරණ ලෙස සේවයෙන් ඉවත් කළ අය යළි සේවයේ පිහිටුවීමට ද මෙහි දී පොරොන්දු වුණා.
