හරීන් ප්රනාන්දු සහ මනූෂ නානායක්කාර ජනාධිපති උපදේශකවරුන් ලෙස පත්කිරීම සම්බන්ධයෙන් ඇති වූ මතභේදාත්මක තත්ත්වය හමුවේ ඔවුන් දෙදෙනා මැතිවරණ කටයුතු සඳහා තම වරප්රසාද අවභාවිත කරන්නේද යන්න පිළිබඳව අවධානයෙන් පසුවන බව මැතිවරණ කොමිසම පවසනවා.
සභාපති ආර්.එම්.ඒ.එල් රත්නායක මහතා මාධ්ය කළ විමසීමකදී සඳහන් කර ඇත්තේ පසුගියදා ජනාධිපතිවරයා විසින් සිදු කරන ලද පත්වීම් සම්බන්ධයෙන් පැමිණිලි රැසක් ලැබී ඇති බවයි.
අපේක්ෂකයෙකු වුවද පත්වීම් ලබාදීමේ ව්යවස්ථාමය බලය ජනාධිපතිවරයා සතුව පවතින බව රත්නායක මහතා පැහැදිලි කර තිබෙනවා.
කෙසේ වෙතත් ඉහත කී හිටපු අමාත්යවරුන් අපේක්ෂකයෙකු ප්රවර්ධනය කිරීම සඳහා වාහන වැනි වරප්රසාද භාවිතා කරන්නේ නම් එය “මැතිවරණ නීතිය උල්ලංඝනය කිරීමක්” බව සභාපතිවරයා අවධාරණය කළා.
“එබැවින් ඔවුන් දෙදෙනා මැතිවරණ අරමුණු සඳහා ඔවුන්ගේ වරප්රසාද අනිසි ලෙස භාවිතා නොකරන බව සහතික කිරීමට කොමිසම උකුස්සෙකු මෙන් බලා සිටී” යැයි ඔහු වැඩිදුරටත් පවසා සිටියා.
