ඉන්දීය රොයල් පංජාබ් කණ්ඩායමේ කළමනාකාරවරයා ලෙස කටයුතු කරමින් විදේශ ක්රීඩකයන්ට මුදලට තරග පාවා දීම සඳහා බලපෑම් කළ බවට චෝදනා ලත් පෙචලෝඩියා ආකාශ් නමැති තැනැත්තාට වසර දහයක අත්හිටවූ සහ වසර හතරක බරපතළ වැඩ සහිත සිර දඬුවමක් මහනුවර මහාධිකරණ විනිසුරු දර්ශකා විමලසිරි මෙනවිය ඊයේ (27) නියම කර තිබෙනවා.
පල්ලෙකැලේ ජාත්යන්තර ක්රිකට් ක්රීඩාංගනයේ පසුගිය මාර්තු මස පැවති ‘ලෙජන්ඩ් ට්රොපි- 2024’ ක්රිකට් තරගාවලියේදී විදේශීය ක්රීඩකයන් වන එංගලන්ත ක්රිකට් ක්රීඩක ෆිල්ම්ස්ටඩ් හා නවසීලන්ත ක්රීඩක නිල් බෲට මුදලට තරඟ පාවාදීමට සිදු කළ බලපෑමක් මත අති චෝදනා දෙකක් යටතේ පවරා තිබූ නඩු දෙකේ චෝදනාවන්ට වරද පිළිගැනීම නිසා අදාළ දඬුවම් නියම කරනු ලැබුවා.
මීට අමතරව නඩු දෙකෙහි චෝදනා දෙකට රුපියල් මිලියන පහමාර බැගින් රුපියල් මිලියන 11ක දඩයක්ද නියම කළා.
දඩ මුදල නොගෙවන්නේ නම් වසර දෙක බැගින් අනිවාර්ය වසර හතරක සිර දඬුවමක්ද ඔහුට නියම කර තිබෙනවා.
