ජාතික ජන බලවේගයේ නායක අනුර කුමාර දිසානායක සහ ජනාධිපති රනිල් වික්‍රමසිංහ ජුලි මාසයේදී ඔවුන්ගේ හිතකරත්ව ශ්‍රේණිගත කිරීම්වල ඉහළ වර්ධනයක් ලබාගෙන ඇති බව ස්වාධීන පර්යේෂණ මධ්‍යස්ථානයක් වන සෞඛ්‍ය ප්‍රතිපත්ති ආයතනය (IHP) විසින් සිදු කරනු ලබන ශ්‍රී ලංකා මත විමසුම් සමීක්ෂණයේ දී (SLOTS) අනාවරණය වී තිබෙනවා.
ඒ අනුව ජනාධිපති රනිල් වික්‍රමසිංහ මෙම ශ්‍රේණිගත කිරීම් වල දෙවන ස්ථානයේ පසු වූ විපක්ෂ නායක සජිත් ප්‍රේමදාස අභිබවා යාමට සමත් වී තිබෙනවා.
ජූලි මාසයට අදාල ශ්‍රී ලංකා මත විමසුම් සමීක්ෂණයට අනුව අනුර කුමාර දිසානායකගේ සමස්ත හිතකරත්ව ශ්‍රේණිගත කිරීම ජුනි මාසයට වඩා ලකුණු 29 කින් ඉහළ ගොස් ඇති බවයි සඳහන් වන්නේ.
ඒ අනුව ඒ මහතා ශ්‍රේණිගත කිරීම් වල +3 සීමාවට ළඟාවී ඇති අතර සජිත් ප්‍රේමදාස අභිබවමින් ජනාධිපති රනිල් වික්‍රමසිංහගේ හිතකරත්ව ලකුණු 40 කින් වැඩි කරගෙන ලකුණු 24 දක්වා වර්ධනය වී ඇති බව පෙන්නුම් කරනවා.
දර්ශකය අනුව සජිත් ප්‍රේමදාසගේ හිතකර ශ්‍රේණිගත කිරීම ජුනි මාසයේ සිට -42 සිට සිට ජුලි මාසයේදී -44 දක්වා සුළු වශයෙන් වෙනස් වී තිබෙනවා.
අදාළ ශ්‍රේණිගත කිරීම් වල ධන ශ්‍රේණිගත කිරීම පෙන්නුම් කරන්නේ අනුර කුමාර දිසානායකට පමණක් වන අතර සෙසු සියලුම අපේක්ෂකයින් පෙන්නුම් කරන්නේ ඍණ ශ්‍රේණිගත කිරීමකි.
මෙම ජනමත සමීක්ෂණයේ ශ්‍රේණිගත කිරීම්වලදී ඍණ ශ්‍රේණිගත කිරීමකින් අදහස් වන්නේ එම පුද්ගලයා කෙරෙහි හිත කර මතයක් නොපවතින බවයි.ධනාත්මක ලකුණු වලින් පමණක් අදාළ පුද්ගලයා කෙරෙහි හිතකර මතයක් පවතින බව අදහස් වෙනවා.
